Posted: 08/10/2012 04:45 PM IST

గీతిక ఆత్మహత్య నేపథ్యంలో హర్యానా హోంశాఖ సహాయ మంత్రి గోపాల్ కందా ఆదివారం తన పదవికి రాజీనామా చేసిన విషయం తెలిసిందే.  గతంలో ఆయన నిర్వహించిన విమానయాన సంస్థలో ఎయిర్ హోస్టెస్‌గా పని చేసిన ఇరవై మూడేళ్ల గీతికా శర్మ శనివారం రాత్రి ఢిల్లీలో ఉరి వేసుకొని ఆత్మహత్య చేసుకుంది. గోపాల్ మానసిక వేధింపుల వల్లే తాను ఆత్మహత్య చేసుకుంటున్నట్లు ఆమె లేఖ రాసింది. మృతురాలి బంధువులు ఫిర్యాదు మేరకు మాజీ మంత్రి గోపాల్ కందా కోసం పోలీసులు గాలింపు చర్యలు చేపట్టారు. బుధవారం నుంచి కందా ఆచూకీ దొరకడం లేదు. ఈయన దొరికితే పట్టుకోవాలని ఢిల్లీ పోలీసులు లుకవుట్ నోటీసులు జారీ చేశారు. కందా అరెస్టుకు ప్రయత్నాలు చేస్తున్నామని పోలీసులు చెప్పారు. కాగా, కందా ముందస్తు బెయిల్ పిటిషన్‌ను కోర్టు తోసిపుచ్చింది. ఈ కేసులో  ఇప్పటికే ఎండిఎల్ఆర్ మేనేజర్ అరుణా చద్దాను అరెస్టు చేశారు. త్వరలో ఇతన్ని అరెస్టు చేసే అవకాశం ఉంది. ఈయనను అరెస్టు చేసి విచారిస్తే గానీ ఆమె ఆత్మహత్యకు గల కారణాలు తెలపలేమని పోలీసులు అంటున్నారు.