Posted: 07/30/2012 04:55 PM IST

      నేపాల్ లో ఘోర రోడ్డు ప్రమాదం జరిగింది. ఈ ప్రమాదంలో ఒక భారతీయ పౌరుడుతో పాటు 15మంది మృతి చెందారు. పశ్చిమ నేపాల్ లోని పల్పా జిల్లాలో భారత్ కు చెందిన జీపు ప్రయాణికులతో వెళుతూ అదుపుతప్పి వంద మీటర్ల లోయలో పడిపోవడంతో ఈ ఘటన సంభవించింది. ముందుగా అందిన సమాచారం ప్రకారం ఈ ప్రమా దంలో మృతి చెందింది మొత్తం భారతీయులేనని తెలిసింది. అనంతరం బాధితుల్లో 14మంది నేపాల్ కు చెందిన వారని, ఒకరు భారతీయ పౌరుడని పోలీసులు నిర్ధారించారు. ఇదే విషయాన్ని ఖట్మాండులోని భారతీయ రాయబార కార్యాలయం కూడా ధృవీకరించింది. మృతుల్లో తొమ్మిది మంది మహిళలు, నలుగురు చిన్నారులు వున్నారని పోలీసులు పేర్కొన్నారు.

       ఈ ప్రమాదంలో తీవ్రంగా గాయపడిన ఇద్దరిని మెరుగైన చికిత్స నిమిత్తం ప్రభాస్ లోని లుంబినీ మెడికల్ కాలేజీకి తరలించారు. పశ్చిమ నేపాల్ లోని రిషీకేష్  దేవాలయాన్ని సందర్శించేందుకు భారత్ కు చెందిన జీపును బాడుగకు తీసుకొని వెళుతుండగా ఈ ప్రమాదం జరిగింది.

...avnk