Posted: 07/27/2012 12:10 PM IST

      అంతకంతకూ న్యాయం ధర్మం మానవత్వ విలువలు అడుగంటి పోతున్నాయి. కేవలం ధనం కోసం ఓ నిండు ప్రాణాన్ని బలికొన్నారు కొందరు మనిషి రూపంలోని పశువులు. ఈ దుర్ఘటన విశాఖ పట్టణంలో జరిగింది. సాగర నగరంలో దోపిడీ దొంగలు బీభత్సం సృష్టించారు. బంగారం కోసం దుండగులు ఓ వృద్ధురాలిని దారుణంగా హతమార్చారు. విశాఖ అపూగర్‌ ఫిషర్‌మెన్ కాలనీలో ఈ ఘటన చోటుచేసుకుంది. ఎల్లమ్మ అనే వృద్ధురాలి చెవులు, ముక్కు కోసి వంటిపై ఉన్న బంగారు ఆభరణాలతో దుండగులు పరరాయ్యారు. ఈ సంఘటన స్థానికంగా కలకలం సృష్టించింది.  సమాచారం అందుకున్న పోలీసులు ఘటనాస్థలానికి చేరుకుని పరిస్థితిని సమీక్షించారు. దొంగలతో పాటు, మద్యానికి బానిసలై దొంగతనాలకు అలవాటు పడిన స్థానిక యువకులపై కూడా ఆరా తీస్తున్నారు. క్లూస్ టీమ్ తో పాటు, పోలీస్ జాగిలాలను తెప్పించి ఆధారాలు సేకరిస్తున్నారు. తక్షణమే అగంతకులను పట్టుకోవాలని స్థానికులు ఆగ్రహం వ్యక్తం చేస్తున్నారు.

...avnk