Posted: 03/22/2012 05:14 PM IST

అనంతపురం నగరపాలక సంస్థ కమీషనర్ నీలకంఠారెడ్డి హల్ చల్ చేశారు. ఆయన నగరపాలక సంస్థకు రావాల్సిన బకాయిల కోసం సత్యాగ్రహం చేశారు. 2011-12 సంవత్సరానికి రావాల్సిన బకాయిలు సరదు వేలం దారు దగ్గరి నుండి రాబట్టడం కోసం ఏకంగా 6 గంటల పాటు మండుటెండలో ఆమె ఇంటి ముందు నిలబడి నిరసన వ్యక్తం చేసి ఔరా అనిపించుకున్నాడు. వివరాల్లోకి వెళితే... పద్మజా అనే మహిళ గత ఏడాది దినసరి మార్కెట్‌ రుసుం వసూలు వేలం పాటను దక్కించుకుంది. ఈమె సంస్థకు రూ.28లక్షల బకాయి వుంది. పలుమార్లు సిబ్బంది బకాయి చెల్లించాలని కోరి నా స్పందించకపోవడంతో కమిషనర్‌ ఆధ్వర్యంలో బకాయి చెల్లించాలంటూ ప్లకార్డులను పట్టుకుని వినూత్న నిరసన వ్యక్తం చేశారు. సంఘటనా స్థలానికి ఒన్‌టౌన్‌ సిఐ భాస్కర్‌రెడ్డి చేరుకుని కమిషనర్‌కు న చ్చజెప్పి ఆందోళన విరమింపజేశారు.