Posted: 01/22/2012 02:15 PM IST

                   వచ్చే సార్వత్రిక ఎన్నికల్లో ప్రత్యక్ష్య పోరుకు దిగుతానన్న నందమూరి నందమూరి బాలక్రిష్ణ ఆదిశగానే అడుగులు వేస్తున్నారు. వీలు చిక్కినప్పుడల్లా ప్రజల్లోకి వెళ్లే ప్రయత్నం చేస్తున్నారు. మొన్న క్రిష్ణా జిల్లాలో పర్యటించిన ఆయన తాజాగా విశాఖ జిల్లాలో పర్యటిస్తున్నారు. రెండురోజుల పర్యటనలో భాగంగా ఇవాళ       బాలయ్య పాడేరులో ఎన్టీఆర్ విగ్రహాన్ని ఆవిష్కరించారు. అనంతరం ప్రజల నుద్ధేసించి ప్రసంగించారు.

          సంక్షేమ పథకాలన్నింటికీ ఆద్యడు నందమూరి తారాక రామారావు అని బాలయ్య అన్నారు. బాక్సైట్ తవ్వకాలతో గిరిజనుల సంస్క్రుతి నాశనం అవుతుందని ఆయన విమర్శించారు. తవ్వకాలకు ప్రభుత్వం ఇచ్చిన అనుమతులను వెంటనే రద్దు చేయాలని బాలయ్య ఈ సందర్భంగా ప్రభుత్వాన్ని డిమాండ్ చేశారు. వచ్చే ఎన్నికల్లో ప్రత్యక్షరాజకీయాల్లోకి వస్తానని ప్రజలు ఆదరించాలని ఆయన అభ్యర్థించారు.

          అనంతరం ఆయన మాడుగులకు బయలుదేరి వెళ్లారు.

                                                                                                             ...avnk