Posted: 12/11/2011 03:30 PM IST

ఆకాశమంత పందిళ్ళు,
ఇంటినిండా చుట్టాలు,
చిన్నపిల్లల కేరింతలు,
పెద్దవాళ్ళ పట్టింపులు,
పంచభక్ష పరమాన్నాలు
అన్నీ కలిపి ....
"మూడుముళ్ళు , ఏడు అడుగులు కలిపి నూరేళ్ళు" అంతేకదా!! పెళ్ళంటే!!!

కానీ....

ఒకవైపు కన్నవాళ్ళ కడసారి భాధ్యతలు,
మరో వైపు... తడి అరని కన్నీటి ఎడబాటులు, మరువలేని చేసుకున్న బాసలు.
నడుమ నలిగే చిన్ని మనసుల

కనురెప్పల మాటు వున్న...
కన్నీటి ప్రవాహాలు, కారు చీకట్లు.
మది మాటున దాగి వున్న...
మరుగుతున్న వేదనలు, శతకోటిరాగాల భీకర రోదనలు.
కానరాని గమ్యాలు, కనుమరుగుతున్న ఆశలు.

ఓ మనసా...!!!
నిను మరచి సంసారినై వ్యభిచరించనా!

సన్యశించి సగర్వంగా జీవించనా!

లేక ప్రాణమిచ్చి ప్రమిదనై వెలుగొందనా!

అని నరకయాతన అనుభవిస్తూ.... పెడుతున్న వెర్రికేకలు...
కుటుంబ గౌరవం అని ప్రాణాలకు విలువివ్వని ఈ పెద్దవాళ్ళకు వినిపించవా??

ఫలించని ప్రేమకోసం.. ప్రాణమిచ్చిన ప్రేమికులకు మనస్పుర్తిగా అంకితమిస్తూ...