Posted: 12/05/2011 04:21 PM IST

ముఖ్యమంత్రి కిరణ్ కుమార్ రెడ్డి సోదరుడిపై చంద్రబాబునాయుడు ఘాటుగా వ్యాఖ్యలు చేశారు. సీఎం, వారి కుటుంబ సభ్యులు రాజ్యాంగేతర శక్తిగా ఎదుగుతున్నారని ఆయన అన్నారు. కిరణ్ కుమార్ రెడ్డి సోదరుడి కనుసన్నల్లో కిమ్స్ పాలన సాగుతోందని బాబు మండిపడ్డారు. రచ్చబండ కార్యక్రమంలో సీఎం కుటుంబసభ్యులు ఎలా పాల్గొంటారని... అది అధికార దుర్వినియోగం కాదా ప్రశ్నించారు. భూములను ధారాదత్తం చేయటంపై సీఎం జవాబు చెప్పాలని డిమాండ్ చేశారు. తన కుటుంబసభ్యులపై వచ్చిన సీఎం కిరణ్ కుమార్ రెడ్డి అభ్యంతరం తెలిపారు. నియోజకవర్గ అభివృద్ధి కార్యక్రమాల్లో తన కుటుంబ సభ్యులు పాల్గొంటే తప్పా అని ప్రశ్నించారు. ఈ సందర్భంగా బాబు, కిరణ్ లు వ్యక్తిగత దూషణలకు దిగారు. దాంతో సభలో గందరగోళం నెలకొంది.