బెజవాడ పోలీసులు తలను నేలకేసి ఈడ్చుకెళ్లారు.

Posted: 06/21/2013 05:25 PM IST

పోలీసులు అప్పుడుప్పుడు సమాజంలో మేము కూడా ఉన్నాం అని నిరూపించుకోవటానికి కొన్ని విచిత్రమైన పనులు చేస్తుంటారు. తమ ఉనికి తెలపటానికే పోలీసులు ఇలా ప్రవర్తిస్తారని బేజవాడ ప్రజలు అంటున్నారు. బెజవాడలో పోలీసులు చేసిన రచ్చ అంత ఇంత కాదు.. అనుమతి లేకుండా ఆందోళన చేస్తుంటే ఊరుకుంటామా.. అంటూ విజయవాడ పోలీసులు వ్యవహరించిన తీరు చూసి అందరూ నిర్ఘాంతపోయారు. ప్రజా సమస్యలు పరిష్కరించమని కోరుతూ ప్రదర్శన చేస్తున్న మాజీ కార్పొరేటర్‌ను.. అనుమతి లేదంటూ తలను నేలకేసి ఈడ్చుకెళ్లారు. నగరంలోని 37వ డివిజన్‌లో రోడ్లను ఇష్టానుసారం తవ్వి వదిలేశారు. దీంతో ఆ ప్రాంతవాసులు రోడ్లపై నడవడానికే నరకయాతన అనుభవిస్తున్నారు. ఈ రోడ్లకు మరమ్మతులు చేయాలని కోరుతూ సీపీఎం మాజీ కార్పొరేటర్ బోయి సత్యబాబు ఆధ్వర్యంలో పాదయాత్ర చేపట్టారు. అనుమతి లేకుండా ప్రదర్శన ఏమిటంటూ కొత్తపేట సీఐ వెంకటేశ్వర్లు వీరిని అడ్డుకున్నారు. ప్రదర్శకులకు, పోలీసులకు తీవ్రస్థాయిలో వాదోపవాదాలు జరిగాయి. అంతే.. సీఐ ఆగ్రహించారు. ఆయన ఆదేశాలతో పోలీసులు సత్యబాబు తలను రోడ్డుపై ఈడ్చుకుంటూ కొంతదూరం లాక్కెళ్లారు. సీపీఎం కార్యకర్తలు అడ్డుపడడంతో వదిలేసి వెళ్లిపోయారు.