జూనియర్ ఎన్టీఆర్

Posted: 02/21/2015 07:57 PM IST

Junior ntr sukumar rakul preet singh movie uk schedule producer bvsn prasad

గతకొన్నాళ్ల నుంచి ఒక్క హిట్ దక్కక తీవ్ర ఆందోళనల్లో మునిగిపోయిన జూనియర్ ఎన్టీఆర్ కి.. ‘టెంపర్’ చిత్రం కాస్త ఊరటనిచ్చింది. ఆ మూవీ బ్లాక్ బస్టర్ హిట్ కావడంతో యంగ్ టైగర్ మళ్లీ తిరగొచ్చాడంటూ ఆయన అభిమానులు ఆనందం వ్యక్తం చేస్తున్నారు. ఇక విమర్శకులు సైతం చిత్రం బాగా వుందని, ముఖ్యంగా ఎన్టీఆర్ నటన అద్భుతంగా వుందని ప్రశంసించారు. దీంతో ఎన్టీఆర్ ఈ తరహాలోనే మరిన్ని విజయాలు సాధించాలని ఫిక్స్ అయ్యాడు.

ఇకపోతే.. ఎన్టీఆర్ తన తదుపరి చిత్రాన్ని సుకుమార్ దర్శకత్వంలో చేయనున్న సంగతి తెలిసిందే! ఇప్పటికే ఈ మూవీ ప్రీప్రొడక్షన్ పనులు చివరదశకు చేరుకున్నాయి. త్వరలోనే రెగ్యులర్ షూటింగును ప్రారంభించడానికి యూనిట్ బృందం అన్ని ఏర్పాట్లు సిద్ధం చేసుకుంది కూడా! ఇదిలావుండగా.. ఈ చిత్రం కథ ప్రకారం మేజర్ షూటింగ్ పార్ట్ యూకేలోనే వుంటుందని సమాచారం! అందుకే.. అక్కడికెళ్లేందుకు ప్లాన్ చేస్తున్నారట! కొన్నాళ్లపాటు అక్కడే వుండి భారీ షెడ్యూల్ ని నిర్వహిస్తారని యూనిట్ వర్గాలు తెలుపుతున్నాయి.

ఇక ఈ చిత్రంలో కథానాయికగా రకుల్ ప్రీత్ సింగ్ ఫిక్స అయ్యింది. ప్రముఖ నిర్మాత బీవీఎస్ఎన్ ప్రసాద్ ఈ చిత్రాన్ని నిర్మిస్తున్నారు. మరోవైపు ‘నేనొక్కడినే’ మూవీతో పరాభావం ఎదుర్కొన్న దర్శకుడు సుకుమార్.. ఈ మూవీపై చాలా ఆశలు పెట్టుకున్నాడు. సరికొత్త కథాంశంతో ప్రేక్షకుల ముందుకు రానున్నాడు. అన్నట్టు.. ఇందులో ఎన్టీఆర్ సరికొత్త స్టైలిష్ లుక్ లో దర్శనమివ్వనున్నాడని యూనిట్ వర్గాలు చెబుతున్నాయి.