Posted: 03/05/2013 06:21 PM IST

దిల్  సుఖ్ నగర్ లో  చోటుచేసుకున్న  జంట బాంబ పేలుళ్ల ఘటన  అనంతరం  హైదరాబాద్  పోలీసులకు  సైకిళ్లకు  కనిపిస్తే చాలు  పూనకం వచ్చేస్తోంది.  సైకిల్ పై  వెళ్తున్నవారిపై ప్రశ్నల వర్షం కురిపిస్తున్నారు.  నిజానికి  రోజువారి కూలీలు, ఇతరత్రా చిన్నాచితకా పనులు  చేసుకునేవారికి  సైకిలే  ప్రధాన  ప్రయాణ సాధనం.  ఇటీవల జరిగిన బాంబు  పేలుళ్లకు  సైకిల్ ను  ఉపయోగించటంతో  పోలీసులు  వాటి  వినియోగం పై  ప్రత్యేక  శ్రద్ద పెట్టారు. ఎక్కడైనా  సైకిల్ కనిపిస్తే  పూర్తి  వివరాలు  సేకరించటం..  సమాధానంలో  తడబాటు  కనిపిస్తే  రూ. 50 నుంచి రూ. 100 వరకూ వసూలు చేసుకోవడం మామూలైపోయింది.  ముఖ్యంగా జంట పేలుళ్లు జరిగిన  సంఘటన ప్రాంతం పరిసరాల్లో  ఉన్న మలక్ పేట, సైదాబాద్  ఠాణాల్లో  పోలీసులు అతి చేస్తున్నారు.  మలక్ పేట వద్ద టీవీ టవర్ ,  సైదాబాద్ లో  ఆస్మాన్ ఘడ్  చౌరస్తా,  న్యూసైదాబాద్, శంకేశ్వర్ బజార్ , దోబీఘాట్  ప్రాంతాల్లో  ఇలాంటి  వేధింపులు  రెండు, మూడు రోజులుగా కొనసాగిస్తున్నారు.