ఎన్టీఆర్-త్రివిక్రమ్ హీరోయిన్ కన్ఫర్మ్ కాలేదు

Posted: 01/29/2018 04:03 PM IST

ఎన్టీఆర్ .. త్రివిక్రమ్ కాంబినేషన్లో ఓ చిత్రం తెరకెక్కేందుకు సన్నాహాలు కొనసాగుతున్నాయి. అల్రెడీ ముహుర్తపు షాట్ కొట్టేసిన ఈ సినిమాను.. వచ్చేనెలలో సెట్స్ పైకి తీసుకెళ్లడానికి సన్నాహాలు చేస్తున్నారు. ఈ క్రమంలో కథానాయికగా అనూ ఇమ్మాన్యుయేల్ ను తీసుకునే ఛాన్స్ ఉందనే అప్పట్లో టాక్ వినిపించింది.

అయితే 'అజ్ఞాతవాసి' పరాజయంపాలు కావటంతో ఈ ప్రాజెక్టులో ఆమెకి చోటు ఇవ్వడానికి త్రివిక్రమ్ అంతగా ఆసక్తిని చూపడం లేదన్న వార్తలు జోరందుకున్నాయి. ఈ నేపథ్యంలో కొంతమంది కథానాయికల పేర్లను పరిశీలించిన ఈ సినిమా టీమ్, పూజా హెగ్డే దగ్గర ఆగినట్టుగా సమాచారం. ఎన్టీఆర్ జోడీగా ఆమె అయితే కొత్తగా ఉంటుందనీ .. పాత్ర పరంగా కూడా తనే బాగా సెట్ అవుతుందనే అభిప్రాయాలు టీమ్ లో వ్యక్తమయినట్లు చెప్పకున్నాం.

కానీ, ఈ ఇప్పటిదాకా ఈ సినిమాకు హీరోయిన్ ను ఇంకా ఖరారు చెయ్యలేదనే తాజా సమాచారం. మరోవైపు సంగీత దర్శకుడు దేవీశ్రీప్రసాద్ లేక అనిరుధ్ అన్న దానిపై కూడా స్పష్టత రావాల్సి ఉంది. త్వరలోనే ఈ చిత్రం రెగ్యులర్ షూటింగు ప్రారంభం కానుంది.