సూర్య మూవీ సెట్స్ లోనూ సాయి పల్లవి అదే తీరు!

Posted: 01/30/2018 06:09 PM IST

'ఫిదా' సినిమాతో టాలీవుడ్ ప్రేక్షకుల్లో చెరగని ముద్ర వేసిన సాయిపల్లవికి.. ఇతర భాషల్లో కూడా ఫ్యాన్ ఫాలోయింగ్ ఎక్కువగానే ఉంది. అయితే అందుకు తగ్గట్లే ఆమెపై పుకార్లు కూడా వినిపిస్తాయి. ఆ మధ్య పెళ్లైన ఓ హీరోతో అఫైర్ వెలగబెట్టిందంటూ కొన్ని వెబ్ సైట్లు ఆమెపై అడ్డగోలుగా వార్తలు రాసేశాయి. అంతేకాదు ఎంసీఏ చిత్ర షూటింగ్ లో ఆమె ప్రవర్తన చికాకు తెప్పించేదని.. హీరో నానితో ఏకంగా గొడవ పెట్టుకుని సెట్స్ నుంచి వెళ్లిపోయిందని.. ఓ ఇలా రకరకాల కథనాలు వెలువడ్డాయి.

వీటన్నింటిపై అటు దిల్ రాజు-నాని.. ఇటు సాయి పల్లవి కూడా ఉత్తదే అని తేల్చేశారు. అయితే ప్రస్తుతం మళ్లీ అలాంటి రూమర్లే ఆమెపై ఇప్పుడు చక్కర్లు కొడుతున్నాయి. తమిళంలో సాయి పల్లవి సూర్య సరసన సెల్వ రాఘవన్ డైరెక్షన్ లో ఓ చిత్రంలో నటిస్తున్న విషయం తెలిసిందే. ఇందులో రకుల్ కూడా ఓ హీరోయిన్ గా నటిస్తోంది. ఈ చిత్ర షూటింగ్ కి సాయి పల్లవి ఆలస్యంగా వస్తోందంటూ ఇప్పుడు వార్తలు వెలువడుతున్నాయి. దీంతో సెల్వరాఘవన్ తీవ్ర అసంతృప్తి వ్యక్తం చేస్తున్నాడంట.

సూర్య తన ఫేవరెట్ అని.. ఆయనతో నటించే ఛాన్స్ ఇంత త్వరగా దక్కటం తన అదృష్టమని ఆ మధ్య పల్లవి చెప్పింది. అలాంటి బ్యూటీ ఇప్పుడు మేకర్లను ఇబ్బంది పెట్టడమేంటన్న అనుమానాలు వ్యక్తం అవుతున్నాయి. ఏది ఏమైనా ఈ వార్తలపై చిత్రయూనిట్ లేదా? సాయి పల్లవి ఎంత త్వరగా వీలైతే అంత త్వరగా స్పందించటం మంచిది.