గ్లామర్ తో పిచ్చెక్కించనున్న ‘బస్టాప్’ భామ

Posted: 10/10/2015 12:23 PM IST

స్టార్ హీరోయిన్ గా కొనసాగుతున్న భామలకు కొత్తగా హీరోయిన్ గా ఎంట్రీ ఇచ్చే భామల నుంచి ఎప్పుడూ పోటీ వుంటుందనే విషయం తెలిసిందే. వరుస సినిమాలతో కొనసాగుతున్న హీరోయిన్లు సైతం కొత్తగా వచ్చే హీరోయిన్లతో భారీ పోటీని ఎదుర్కొంటు వుంటారు. ఒక్కోసారి కొత్త హీరోయిన్ల వలన స్టార్ హీరోయిన్లు సైతం అవకాశాలు కోల్పోవాల్సి వస్తుంది. ఇలాంటి పరిస్థితే ప్రస్తుతం కోలీవుడ్ యంగ్ హీరోయిన్ శ్రీదివ్యకు ఏర్పడింది.

తెలుగులో ‘బస్టాప్’ సినిమాతో హీరోయిన్ గా ఎంట్రీ ఇచ్చిన తెలుగు నటి శ్రీదివ్య. ఈ సినిమా తర్వాత తెలుగులో అంతగా అవకాశాలు రాకపోవడంతో కోలీవుడ్ పై కన్నేసింది. అక్కడ ఈ అమ్మడు నటించిన తొలి చిత్రం ‘వరుత్తపడాద వాలిబర్ సంఘం’. ఈ సినిమా భారీ విజయం సాధించింది. దీంతో వరుస అవకాశాలు వచ్చిపడ్డాయి.

ఈ సినిమా తర్వాత శ్రీదివ్య నటించిన సినిమాలన్నీ కూడా వరుసగా విజయం సాధిస్తుండటంతో కోలీవుడ్ లో ప్రస్తుతం యువ స్టార్ హీరోయిన్ గా కొనసాగుతోంది. అయితే ఈ అమ్మడికి ప్రస్తుతం కొత్త భామ కీర్తి సురేష్ తో పోటీ ఏర్పడింది. ఇప్పటి వరకు శ్రీదివ్య అన్ని కూడా గ్లామర్ కు వ్యతిరేకంగా వుండే పాత్రల్లోనే నటించింది. గ్లామర్ పాత్రల్లో కాకుండా పక్కింటి అమ్మాయి తరహా పాత్రల్లోనే నటించింది.

కానీ కీర్తి సురేష్ మాత్రం హోమ్లీ పాత్రలతో పాటు గ్లామర్ పాత్రలకు కూడా గ్రీన్ సిగ్నల్ ఇస్తుండటంతో శ్రీదివ్యకు రావాలసిన అవకాశాలన్నీ కూడా కీర్తికే దక్కుతున్నాయి. దీంతో శ్రీదివ్య కూడా గ్లామర్ పాత్రలు చేయడానికి సిద్ధమయినట్లుగా తెలిసింది. ఇక త్వరలోనే శ్రీదివ్య కూడా గ్లామర్, లిప్ లాక్ పాత్రలలో కనువిందు చేయనుందని సమాచారం.