‘ఐ’ భామపై కన్నేసిన ‘రోబో2’

Posted: 10/13/2015 11:06 AM IST

తమిళ సూపర్ స్టార్ రజనీకాంత్ హీరోగా దర్శకుడు శంకర్ దర్శకత్వంలో రూపొందిన భారీ బడ్జెట్ చిత్రం ‘రోబో’. అందాల తార ఐశ్వర్యరాయ్ హీరోయిన్ గా నటించిన ఈ చిత్రం విడుదలై భారీ కలెక్షన్లు రాబట్టింది. ప్రపంచ వ్యాప్తంగా భారీ విజయాన్ని సొంతం చేసుకుంది. అయితే ప్రస్తుతం ఈ చిత్రానికి సీక్వెల్ రూపొందనుంది.

‘రోబో2’ ప్రీ ప్రొడక్షన్ పనులు శరవేగంగా జరుగుతున్నాయి. ఇటీవలే శంకర్ దర్శకత్వంలో వచ్చిన ‘ఐ’ చిత్రంలో అమీ జాక్సన్ హీరోయిన్ గా నటించింది. ఈ సినిమా అనుకున్న స్థాయిలో విజయం సాధించకపోయినప్పటికీ హీరోయిన్ గా మాత్రం అమీ జాక్సన్ కు మంచి గుర్తింపు లభించింది. దీంతో ప్రస్తుతం ఈ అమ్మడికి వరుస అవకాశాలు వచ్చిపడుతున్నాయి.

ఇదిలా వుంటే శంకర్ తాను తీయబోయే ‘రోబో2’ చిత్రంలో కూడా అమీ జాక్సన్ నే హీరోయిన్ గా తీసుకున్నట్లుగా తెలిసింది. ఇందులో అమీ జాక్సన్ ఓ సైంటిస్ట్ పాత్రలో కనిపించనుందని సమాచారం. త్వరలోనే అన్ని వివరాలను చిత్ర యూనిట్ అధికారికంగా ప్రకటించనున్నారు. ప్రస్తుతం ధనుష్ హీరోగా నటిస్తున్న ‘విఐపి2’ చిత్రంలో అమీ జాక్సన్ ఓ హీరోయిన్ గా నటిస్తుంది. ఈ చిత్రం త్వరలోనే ప్రేక్షకుల ముందుకు రానుంది.