చైతును చీప్ గా లెక్కగట్టారు

Posted: 10/21/2014 11:07 AM IST

టాలీవుడ్ లో ప్రస్తుతం ఉన్న రొమాంటిక్ హీరోల్లో టాప్ ప్లేస్ లో ఉన్నది నాగచైతన్య. తాజాగా విడుదల అయిన ‘ఒక లైలా కోసం’ సినిమాతో ఆయనకు ఉన్న రొమాంటిక్ ఫేం మరింత పెరిగింది. త్వరలోనే ఈ తరహాలో సినిమాలు చేసేందుకు సిద్ధం అవుతున్నాడు. అక్కినేని ఫ్యామిలి నుంచి వచ్చిన హీరోగా చైతుకు మంచి ఫాలోయింగ్ కూడా ఉంది. ఇంతటి క్రేజ్ ఉన్న జోష్ హీరోను యువి ప్రొడక్షన్స్ తక్కువగా అంచనా వేస్తున్నట్లు తెలుస్తోంది. చైతు మినిమం పాస్ గ్యారంటి హీరో అని చెప్తున్నారు.

పూర్తి వివరాలు చూస్తే.., అడల్ట్ సినిమాలు చేసే డైరక్టర్ గా పేరు తెచ్చుకున్న మారుతి త్వరలో మరో సినిమా చేసేందుకు సిద్ధం అవుతున్నాడు. యువీ ప్రొడక్షన్స్ వారికి ముందుగా చేసుకున్న ఒప్పందం ప్రకారం ఒక సినిమా చేసి పెట్టాల్సి ఉంది.  ‘కొత్తజంట’ పరాజయం తర్వాత ఆయనతో ప్రాజెక్టు అంటే అడల్ట్, వల్గర్ పదాల మరకలు తమకు అంటుతాయేమో అని పెద్ద హీరోలు భయపడుతున్నారు. దీంతో ముందుగా ఓకే చేసుకున్న హీరోలు ఇలా షాకులు ఇస్తుండటంతో హీరోల వేటలో పడ్డ మారుతికి, గోపిచంద్, నాని తగిలారు. వీరికి తన కధ చెప్పి విన్పించగా ఇద్దరూ బాగుందని చేయటానికి సిద్ధం అయ్యారు.

అయితే వీరిద్దరితో పాటు పాస్ గ్యారంటి హీరోగా ఉన్న చైతుకు కూడా కధ విన్పించాలని అన్నారట. అంటే చైతు రేంజ్ హిట్ హీరో నుంచి పాస్ గ్యారంటీ అని చివరకు లెక్కగట్టారన్నమాట. నాగచైతన్యకు కూడా కధ చెప్పి ఆయన ఏమంటారో తెలుసుకున్నాక.. ఎవరితో సినిమా తీయాలో డిసైడ్ కావచ్చు అని యువి ప్రొడక్షన్స్ భావిస్తోంది. మరి ఈ ప్రాజెక్టుకు ముగ్గురిలో ఎవరు ఓకే అవుతారో చెప్పలేము. కాని చైతు ఓకే అయితే ఏదో పాస్ గ్యారంటి అని తీసుకున్నారని భావించాలి అదే మిగతా ఇద్దర్లో ఎవరు ఎంపికయినా.., ఇది అక్కినేని హీరోకు ఎదురుదెబ్బ అని చెప్పవచ్చు.

కార్తిక్