మహేష్ పై ముగ్గురు మగాళ్లకి మోజు తీరట్లేదు

Posted: 10/21/2014 12:16 PM IST

Mahesh babu and srikanth addala in 14reels production house movie

పోయిన చోటే వెతుక్కోవటం మహేష్ కు బాగా అలావటయినట్లుంది. అందుకేనేమో వరుసగా రెండు ఫ్లాపులు కొట్టిన 14రీల్స్ ఎంటర్ టైన్ మెంట్స్ తో మరో సినిమా చేసేందుకు మహేష్ సిద్ధం అవుతున్నాడు. టాలీవుడ్ లో ప్రస్తుతం ఇదే హాట్ టాపిక్ గా మారింది. ‘దూకుడు’ హిట్ తో మంచి లాభాలను ఆర్జించిన ‘14రీల్స్ ఎంటర్ టైన్ మెంట్స్’ సంస్థ ఆ తర్వాత ‘1నేనొక్కడినే’ ‘ఆగడు’ సినిమాలతో బిగ్ ఫ్లాపులను మూటగట్టుకుంది. ఉన్నందంతా ఊడ్చుకుపోతున్నా మహేష్ పై ఉన్న మోజు మాత్రం ఆ ముగ్గురికి తీరటం లేదు. అందుకే ఇంకో సినిమా తీసేందుకు సిద్ధం అవుతున్నారు అని ఫిలింనగర్లో అంతా చెప్పుకుంటున్నారు.

విషయం ఏమిటంటే.., 14రీల్స్ బ్యానర్ పై శ్రీకాంత్ అడ్డాల ఓ సినిమా చేస్తున్నాడు. ఈ సినిమాలో మహేష్ నటిస్తున్నట్లు అంతా చెప్పకుంటున్నారు. అంటే పోకిరిని పెట్టి మరోసారి బిజినెస్ చేసేందుకు త్రిమూర్తులు రెడి అవుతున్నారన్నమాట. రెండు ఫ్లాపుల అనుభవాలు ఉన్నప్పటికీ.., ముచ్చటగా మూడవసారి ట్రై చేసి చూద్దాం అని సిద్ధం అవుతున్నారు. మరి ఈ ముగ్గురు మనగాళ్ల బ్యానర్ హిట్ కొడుతుందా... లేక హ్యాట్రిక్ ఫ్లాప్ కొడుతుందా అనేది చూడాలి. మొత్తానికి మూడవసారి కూడా మహేష్ ను పట్టుకున్న బ్యానర్ ధైర్యానికి మెచ్చుకోవాలి.

14 రీల్స్ బ్యానర్ పై వచ్చిన ‘దూకుడు’ సినిమా హిట్ సాధించింది. ఆ తర్వాత అదే ఊపుతో మరో సినిమా తీయగా ‘1నేనొక్కడినే’ ఫ్లాప్ అయింది. ఇక ఈ మద్య వచ్చిన ‘ఆగడు’ ఆడలేకపోయింది. ఒక హిట్లు రెండు ఫట్టు అన్న విధంగా కొనసాగుతున్న సంస్థ జీవితం చివరకు ఎటు చేరుతుందో చూడాలి.
మూడవ ప్రాజెక్టు ఎలా ఉంటుందా అని సిని ప్రముఖులంతా ఆసక్తిగా ఎదురుచూస్తున్నారు.

కార్తిక్