స్నేహ ఉల్లాల్ జీవితంలో ఎంటరైన అపరిచితుడు!

Posted: 10/20/2014 06:46 PM IST

Actress sneha ullal torchered by unknown person in mumbai

‘‘ఉల్లాసంగా ఉత్సాహంగా’’ సినిమా ద్వారా తెలుగు ప్రేక్షకులకు పరిచయమైన స్నేహ ఉల్లాల్.. మొదటి సినిమాతో సక్సెస్ సాధించడంతో మంచి కథానాయిక అవార్డును కూడా సొంతం చేసుకుంది. అంతేకాదు.. అటు బాలీవుడ్ లో కూడా ఏకంగా కండలవీరుడు సల్మాన్ ఖాన్ సరసన హీరోయిన్ గా హీందీ పరిశ్రమకు ఎంట్రీ ఇచ్చుకున్న ఈ అమ్మడు.. జూనియర్ ఐశ్వర్యగా కూడా పేరు సంపాదించుకుంది. రెండు పరిశ్రమల్లో ఎంట్రీ ఇచ్చుకున్న మొదటిసారే తనకంటూ ఒక ప్రత్యేక గుర్తింపు తెచ్చుకున్న ఈ భామ.. చాలాకాలం వరకు దానిని పదిలం చేసుకోలేకపోయింది. సినిమా ఆఫర్లు రాకపోవడం వల్ల ఒక్కసారిగా ఆమె పాపులారిటీ కిందిస్థాయికి దిగిపోయింది. దీంతో అప్పుడప్పుడు చిన్న సినిమాలు చేసుకోవడం లేదా ఖాళీగానే కాలాన్ని కాలక్షేపం చేసుకుంటూ వుండిపోయింది. ఈమెను ఎవ్వరూ అంతగా పట్టించుకునేవాళ్లు కాదు. కావాలసిన అందం వున్నప్పటికీ.. అవకాశాలు మాత్రం శూన్యం!

దీంతో ఈ అమ్మడు బయటికి ఎక్కువ రావడమే మానేసింది. ఎవ్వరితోనూ అంతగా కలిసేది కాదు కూడా! ఒక్కతే తన జీవితాన్ని ఏదో ఒకరకంగా నెట్టుకు వచ్చేది. అయితే ఇంతలోనే ఎవరో అపరిచితుడు ఈమె జీవితంలోకి ఎంట్రీ ఇచ్చి చాలా టార్చర్ పెడుతున్నాడని తెలిసింది. అతనెవరో, ఎక్కడి నుంచి వచ్చాడో, వాడి పేరేంటో ఎవ్వడికి తెలియదు... కానీ నేరుగా ఈ అమ్మడి ఇంట్లోకి దూరి ‘‘నేను నిన్ను పెళ్లి చేసుకుంటాను.. కాదంటే నిన్ను చంపేస్తా’’నంటూ బెదిరిస్తున్నాడట! ముంబలోని బాంద్రా ప్రాంతంలో వుంటున్న ఈ అమ్మడి ఇంటికి ఈనెల 18వ తేదీన ఉదయం సమయంలో ఎవరో ప్రత్యక్షమై, ఇలా అల్లరి పెట్టాడని స్నేహ వాపోతోంది. అంతేకాదు.. ఈమె సెక్యూరిటీగార్డులు అతడిని ఎంత ఆపడానికి ప్రయత్నించినా.. వాళ్లతో గొడవ పడ్డాడట! ఆ వ్యక్తితో తన తండ్రి మాట్లాడేందుకు ప్రయత్నించగా.. ఆయనపట్ల దురుసుగా ప్రవర్తించాడట! అయితే చుట్టుపక్కల వున్నవాళ్లు ఆ ఆకతాయిని దేహశుద్ధి చేశారని, చివరికి పోలీసులకు అప్పగించారని తెలిపింది.

ఈ సంవత్సరం జరిగిన వినాయకచవితి పండగ నుంచి ఆ ఆకతాయి ఈమెను టార్చర్ పెట్టడం మొదలుపెట్టాడని, ఎన్నోసార్లు ఫోన్లు కూడా చేసి తనను విసిగించాడని ఆమె పేర్కొంది. తనను పెళ్లి చేసుకోకపోతే స్నేహతోపాటు ఆమె కుటుంబాన్ని కూడా నాశనం చేస్తానంటూ బెదిరిస్తూ వచ్చాడని తెలిపింది. ఈ విషయాన్ని అప్పట్లో పోలీసులకు తెలిపినా ఫలితం లేకపోయిందని చెబుతోంది. బాలీవుడ్ నటుడు సల్మాన్ ఖాన్ కి కూడా ఈ విషయం ముందు చెప్పినట్లు వాపోయింది. ఇప్పుడైతే అతనిని దేహశుద్ధి, అరెస్ట్ చేయించాము కానీ.. జైలునుంచి విడుదలైన తర్వాత అతనితో ప్రాణహాని వుంటుందోమోనని నిత్యం భయాందోళనలకు గురవుతోందట ఈ అమ్మడు. అందుకే.. ఒంటరిగా ఇంటినుంచి బయటికి రావడమే మానుకున్నానని, అతనిలాగే మరెవరైనా తన జీవితంలో అపరిచితులు వస్తారేమోనని అనుక్షణం భయపడుతున్నట్లు ఆవేదన వ్యక్తం చేసింది ఈ అమ్మడు!