అధరామృతం అదరహో అంటున్న ఆది!

Posted: 07/13/2014 12:31 PM IST

గాలిపటం సినిమా ట్రైలర్ విడుదలై కుర్రకారులో ఆ సినిమా మీద అంచనాలను అమాంతం పెంచేసింది.  

ఈతరం వాళ్ళ మనోభావాలకు అనుగుణంగా రూపొందినట్లుగా కనిపిస్తున్న గాలిపటం చిత్రంలో కథానాయకుడు ఆది  కథానాయికతో ఆధునిక యుగానికి సరిపడేట్టుగా డేటింగ్ లతో పాటు ప్రేమను ఇచ్చిపుచ్చుకోవటానికి పెదవులను బాగా వాడుకున్నట్లుగా కూడా కనిపిస్తోంది.

హీరో కాఫీకి పిలిస్తే హీరోయిన్ పబ్ కి రావటానికి తయారైనట్లుగా చూపించిన ఈ సినిమా ట్రైలర్ చూసి, ఇది నిజంగానే టీజరే అంటున్నారు యువత.  సున్నితమైన శృంగారం, యువతను గిలిగింతలు పెట్టించే డైలాగ్స్ తోపాటు నాయికా నాయకుల సరససల్లాపాలు ఇంకా ఎన్నో సినిమాలో ఉండివుంటాయన్న భావనను కూడా ఈ ట్రైలర్ కలుగజేస్తోంది.  

పద్దతిగా ఉండకపోతే పెదవికి చేటు అన్నట్లుగా కాకుండా,  ఏమాత్రం బిడియపడకుండా ప్రేమలో ఇచ్చిపుచ్చుకోవాలన్న సిద్ధాంతాన్ని బాగా వంటబట్టించుకున్నట్లుగా కనిపిస్తోందీ కథా నాయిక ఎరికా ఫెర్నాండేజ్.  

-శ్రీజ