చరణ్ అల్లుడి లోటును భర్తీ చేసిన బన్నీ

Posted: 10/31/2014 08:40 AM IST

Allu arjun next movie with boyapati srinu

ఒకరికి నచ్చనిది మరొకరికి చాలా బాగా నచ్చవచ్చు. ఇందులో పెద్దగా వింత.. కొత్త ఏమి లేదు. తాజాగా చెర్రికి నచ్చనిది., ఇష్టపడనిది బన్నీ కోరుకున్నాడు. గతంలో రామ్ చరణ్ కు బోయపాటి శ్రీను ఓ కధ చెప్పగా... చెర్రీ ఆసక్తి చూపలేదు. అంతేకాదు బోయపాటి సినిమా కధ బాగాలేదు కాబట్టి.., తాను ఆ ప్రాజెక్టులో చేయటం లేదు అని బహిరంగంగా ప్రకటించాడు కూడా. ఇది అలా ఉంటే... ఇప్పుడు అల్లు అర్జున్ తో హిట్ డైరెక్టర్ ఓ సినిమా చేసేందుకు సిద్ధం అవుతున్నాడట. బన్నీకి బోయపాటి ఓ కధ చెప్తే... అందుకు స్టయిలిష్ స్టార్ ఓకే చెప్పాడట... సినిమా చేద్దాం అని గ్రీన్ సిగ్నల్ ఇచ్చాడని ఫిలింనగర్ లో చెప్పకుంటున్నారు.

అయితే బెల్లంకొండ శ్రీనివాస్ తో ప్రస్తుతం బోయపాటి సినిమా చేస్తున్నాడు కదా అని డౌట్ వస్తే.., ప్రస్తుతం ఈ ప్రాజెక్టు వాయిదా పడినట్లు తెలుస్తోంది. ఆర్ధిక ఇబ్బందుల కారణంగా షూటింగ్ ఇంకా మొదలు కాలేదు. అందువల్లే హీరోయిన్ గా ఎంపికైన తమన్నా కూడా ప్రాజెక్టు నుంచి బయటకు వచ్చేసిందని అంటున్నారు. ఈ క్రమంలోనే బెల్లంకొండ ఫ్యామిలి కుదురుకున్నాక సినిమా చేద్దాం అని బోయపాటి ఈ ప్రాజెక్టును పక్కన బెట్టేశాడట. ప్రస్తుతానికి మిగతా పనులపై దృష్టి పెట్టి బన్నీని కలిసి కధ చెప్పగా అది ఓకే అయింది.

ప్రస్తుతం త్రివిక్రమ్ కాంబినేషన్ లో సినిమా చేస్తున్న బన్నీ ఈ ప్రాజెక్టు పూర్తయితే శ్రీను సినిమా చేసే అవకాశం ఉంది. బహుశా, 2015 మార్చిలో ఈ ప్రాజెక్టు షూటింగ్ జరిగే అవకాశం ఉందని తెలుస్తోంది. ‘జులాయి’ తర్వాత అల్లు అర్జున్ త్రివిక్రమ్ శ్రీనివాస్ కాంబినేషన్ లో సినిమా వస్తున్న విషయం తెలిసిందే. ఈ మూవీలో ముగ్గురు హీరోయిన్లు కాగా.., కన్నడ సూపర్ స్టార్ ఉపేంద్ర, నటి స్నేహ స్పెషల్ రోల్స్ లో నటిస్తున్నారు. ప్రస్తుతం బన్నీ ఫోకస్ అంతా ఈ సినిమా పైనే ఉంది.

కార్తిక్