అయ్యయ్యో! సన్నీకి నిజంగానే ‘‘కరెంటు తీగ’’ షాక్కొట్టిందట!

Posted: 10/30/2014 09:53 PM IST

మంచుమనోజ్ హీరోగా రూపొందిన ‘‘కరెంట్ తీగ’’ సినిమాలో సన్నీలియోన్ ఓ కీలకపాత్ర పోషిస్తున్న విషయం తెలిసిందే! ఇందులో ఈ అమ్మడు టీచర్ పాత్రలో నటిస్తూనే.. హాట్ ఐటెంసాంగులోనూ నృత్యించింది. ఈ విషయాలన్నీ అందరికీ తెలిసినవే కానీ.. తాజాగా ఎవరికీ తెలియని వార్త ఒకటి వెలుగులోకి వచ్చింది. ఈ అమ్మడికి నిజంగానే ‘‘కరెంట్ తీగ’’ షాక్కొట్టిందని వార్తలు వస్తున్నాయి. ఆ విషయాన్ని స్వయంగానే తన ట్విటర్ లో పేర్కొని ఆవేదన వ్యక్తం చేసింది శృంగారతార! ఇంతకుమునుపెన్నడు తనకు ఇటువంటి అనుభవం ఎదురుకాలేదని.. ‘‘కరెంటు తీగ’’ సినిమా తర్వాతే ఈ అమ్మడికి ఆ షాక్ తగిలిందని.. అది తనను ఎంతగానో బాధిస్తోందని వెళ్లగక్కుతోందని రకరకాలుగా వార్తలు షికార్లు చేస్తున్నాయి.

అసలు విషయం ఏమిటంటే... నిజానికి కొంతమంది తారలకు టాలీవుడ్ ను చిన్నచూపుతో చూస్తుంటారు. సినిమాల్లో నటించడమే తప్ప ఆ మూవీ ప్రమోషన్ కార్యక్రమాల్లోగానీ, ఆడియో వేడుకల్లోగానీ, ఇతర ఫంక్షన్లలో ఎక్కడా కనిపించరు. అంతెందుకు.. సినిమా సక్సెస్ అయినా ఆ తర్వాత నిర్వహించుకునే వేడుకకు కూడా అటెండ్ కాలేకపోతున్నారంటే సదరు తారలకు టాలీవుడ్ అంటే ఎంత చులకనే అర్థం చేసుకోవచ్చు. అందుకు ఉదాహరణగా ఇలియానానే తీసుకోవచ్చు. ఆమెకు చిత్రపరిశ్రమలో అద్భుత కెరీర్ ను అందించిన టాలీవుడ్ మీదే కస్సుబుస్సుమంటూ కోప్పడింది. పలు తెలుగు సినిమాల్లో నటించిన ఇల్లీ.. అప్పుడు ప్రమోషన్ చేయడానికి అస్సలు రాలేదు. అదే బాలీవుడ్ లో చూడండి.. సినిమా షూటింగ్ మొదలు చివరిదాకా అన్ని ఫంక్షన్లలో వయ్యారాలుపోతూ తిరుగుతూనే వుంది. ఇప్పుడు తాజాగా ఈమె బాటలోనే సన్నీలియోన్ కూడా పయనిస్తున్నట్లు కనిపిస్తోంది.

సన్నీలియోన్ బాలీవుడ్ లో నటించిన అన్ని సినిమాల ప్రమోషన్లలో పాల్గొని ఆ సినిమా సక్సెస్ కు తనవంతు కృషి చేసింది. కానీ టాలీవుడ్ లోకి ‘‘కరెంట్ తీగ’’ సినిమాతో ఎంట్రీ ఇవ్వబోతున్న ఈ అమ్మడు... ఆ సినిమా ప్రమోషన్ కోసం ఇప్పటివరకు ఏ ఒక్క ఫంక్షన్ లోనూ పాల్గొనలేదు. తనక్కావాల్సిన 75 లక్షల రెమ్యునరేషన్ చెక్కేసింది కానీ.. మళ్లీ తిరిగి ఇటువైపే చూడలేదు. సన్నీలాంటి శృంగారతార ‘‘కరెంటు తీగ’’కు కాస్త ప్రమోషన్ చేసి వుంటే.. ఆ సినిమాకు ప్లస్ అయ్యేది కానీ ఈ అమ్మడు జాడ కనిపించడమే లేదు. అప్పట్లో ఆడియో ఫంక్షన్ కు, కొన్ని ప్రాంతాల్లో నిర్వహించిన ప్రమోషన్ వేడుకలకు సన్నీని తీసుకొద్దామని మంచువారు ఎంత ప్రయత్నించినా.. ఈ అమ్మడు మాత్రం రాలేదట! సైలెంటుగా హాలీడే ట్రిప్ అంటూ మలేషియాకు చెక్కేసింది. అంతే! అప్పటినుంచి ఇప్పటివరకు ఈ అమ్మడి జాడే కనిపించలేదు.

ఇంతవరకు బాగానే వుంది కానీ... ఆ ట్రిప్ లో ఏమైందో ఏమోగానీ.. ఈ శృంగారతారకి మెడ బాగా పట్టేసిందట! ఈ దెబ్బతో అమ్మడు కొన్నిరోజులు నుంచి తన తల తిప్పలేక.. రాత్రిల్లో సరిగ్గా నిద్రపట్టక సతమతమవుతోందట! తనను ఇది ఎంతో బాధను కలిగిస్తోందని.. ఎప్పుడూలేని విధంగా తనకు ఇటువంటి పరిణామం ఎదురైందని తెగ ఫీలైపోతూ ట్వీట్లు కూడా చేసేసింది! అయితే.. సన్నీ ‘‘కరెంటుతీగ’’ సినిమా ప్రమోషన్ లో పాల్గొనకపోవడం వల్లే ఈ అమ్మడికి ఇలా జరిగిందని.. ‘‘కరెంటు తీగ’’ గట్టిగానే సన్నీకి షాక్ కొట్టిందని టాలీవుడ్ లో చర్చించుకుంటున్నారు. ఏదైతేనేం.. ఈ అమ్మడు ప్రమోషన్ లో పాల్గొనకపోవడంతో తెలుగు అభిమానులు తెగ ఫీల్ అయిపోతున్నారు. ఈ అమ్మడికి ‘‘కరెంట్’’ శాపం బాగానే తగిలిందని.. ఇటువంటివారికి ఇలా జరగాలంటూ శాపనార్థాలు వేస్తున్నారట!

AS