చైనా మార్కెట్ లో నెంబర్ వన్ స్థానాన్ని అక్రమించిన యాపిల్

Posted: 05/11/2015 06:24 PM IST

చైనా యాపిల్ సంస్థగా పేరొందిన షియోమిని అక్కడి మార్కెట్ లో తొలిసారిగా ఎదురు దెబ్బ తగిలింది. చైనా మార్కెట్ వర్గాలు అసాధ్యమనుకున్న పనిని యాపిల్ సంస్థ చేసి చూపింది. అదేంటంటే.. చైనా షియోమీని యాపిల్ సంస్థ అధిగమించింది. ప్రపంచంలోని అతిపెద్ద మార్కెట్లలో ఒక్కటైన చైనాలో అత్యధిక స్మార్ట్ ఫోన్లు విక్రయించిన కంపెనీగా యాపిల్ నిలిచింది. ఈ ఏడాది మొదటి త్రైమాసికంలో 14.7 శాతం స్మార్ట్ ఫోన్ అమ్మకాలు సాగించిన యాపిల్ సంస్థ.. చైనా మార్కెట్ లో అన్ని స్మార్ట్ ఫోన్ సంస్థలకన్నా ముందు నిలిచింది

కాగా, యాఫిల్ సంస్థతో పోటీ పడిన షియోమి 13.7 శాతం అమ్మకాలతో రెండో స్థానంలో ఉందని అంతర్జాతీయ డేటా కార్పొరేషన్ (ఐడీసీ) తెలిపింది. హువాయ్, సామ్ సంగ్, లెనోవో స్మార్ట్ ఫోన్ సంస్థలు తర్వాతి స్థానాల్లో నిలిచాయి. టాప్-5 కంపెనీలు కలిపి జనవరి-మార్చిలో 57.8 శాతం అమ్మకాలు సాగించినట్టు వెల్లడించింది. గతేడాది ఇదే కాలంలో యాపిల్, షియోమి, హువాయ్ అమ్మకాలు గణనీయంగా పెరిగాయని ఐడీసీ తెలిపింది.

జి మనోహర్