జిడ్డు చర్మానికి చక్కటి ఫేస్ ప్యాక్

Posted: 04/28/2015 03:07 PM IST

వాతావరణ పరిస్థితులకు అనుగుణంగా చర్మసౌందర్యం కూడా మారుతుంది. కాలానికి అనుగుణంగా చర్మం పొడిబారిపోవడం, నల్లగా మారడం, జిడ్డుగా తయారవడం, చాలా సున్నితంగా మారిపోవడం, ముసలివారిలా కనిపించేలా చర్మం అందవిహీనంగా మారిపోవడం లాంటి సమస్యలు వస్తుంటాయి. వీటికి అనుగుణంగానే మార్కెట్ లో ఎన్నోరకాల చర్మసౌందర్యాలు లభ్యమవుతుంటాయి కానీ.. వాటికంటే ఆయుర్వేద చికిత్సే ఎంతో అద్భుతంగా పనిచేస్తోంది. అంటే.. ఎన్నోరకాల పదార్థాలతో రకరకాల స్కిన్ ప్యాక్, ఫేస్ ప్యాక్, ఇతర రెమెడీలను తయారుచేసుకుని.. చర్మ సమస్యలను చెక్ పెట్టవచ్చు.

ప్రస్తుతం జిడ్డు చర్మం గురించి మాట్లాడుకుంటే.. ఈ సమస్యలను బ్యూటీ ప్రోడక్ట్స్ కంటే ఫేస్ ప్యాక్ లతోనే అధిగమించవచ్చు. ఈ సాధారణ పదార్థాలతో తయారయ్యే ఈ ఫేస్ ప్యాక్ లో చర్మానికి కావాలసిన పోషకాలు నిల్వవుంటాయి. అవి తక్షణమే చర్మంపై ప్రభావం చూపిన క్రమంలో వెంటనే మార్పును గమనించవచ్చు. అలాగే సున్నితమైన చర్మానికీ ఫేస్ ప్యాక్ లు అందుబాటులో వున్నాయి. మరి.. వాటిని ఎలా చేస్తారో.. వాటి పనితీరు ఎలా వుంటుందో తెలుసుకుందామా..

జిడ్డు చర్మానికి ఫేస్ ప్యాక్ : ఒక చిన్న పాత్ర తీసుకుని అందులో రెండు చెంచాల ముల్తానీ మట్టి, చెంచా మొక్కజొన్న పిండీ, రెండు చెంచాల కీరదోస పొడి వేసి.. అన్నింటిని కలుపుకోవాలి. అనంతరం ఈ మిశ్రమాన్ని ఏదైనా ఓ చోట భద్రపరుచుకోవాలి. ఈ ఫేస్ ప్యాక్ ని ముఖానికి వేసుకోవాలనుకున్నప్పుడు.. ద్రాక్షరసంతో కలిపి పేస్టులా చేసుకోవాలి. ఆ తర్వాత దానిని ముఖానికి పూతలా రాసుకోవాలి. ఇలా ప్రతిరోజూ చేసుకుంటే.. జిడ్డు చర్మం నుంచి త్వరగా ఉపశమనం పొందవచ్చు.

సున్నిత చర్మానికి ఫేస్ ప్యాక్ : ఒక గిన్నెలో రెండు చెంచాల పాల పొడి, రెండు చెంచాల గోధుమ రవ్వా, రెండు చెంచాల మొక్కజొన్న పిండీ, చెంచా ముల్తానీ మట్టీ వేసి.. అన్నింటినీ బాగా కలుపుకోవాలి. ఈ మిశ్రమాన్ని ఏదైనా ఓ చోట భద్రపరుచుకోవాలి. దీనిని ముఖానికి వేసుకోవాలనుకున్నప్పుడు.. కొద్దిగా పొడి తీసుకుని అందులో బొప్పాయి లేదా పుచ్చకాయ రసం కలిపి ముఖానికి రాసుకోవాలి. ఇలా వారానికి రెండుసార్లు చేస్తే.. సున్నిత చర్మం నుంచి ఉపశమనం పొంది, మృదువైన చర్మాన్ని పొందవచ్చు.