బాబు బానిస కాదు.. బాద్ షా!

Posted: 04/27/2015 01:07 PM IST

సార్వత్రిక ఎన్నికలకు ముందు చంద్రబాబు బీజేపీ పార్టీతో పొత్తు కుదుర్చుకున్న విషయం తెలిసిందే! అప్పటినుంచి ఆయన మీద రకరకాలుగా విమర్శలు వెల్లువెత్తుతూనే వున్నాయి. అప్పుడు ఎన్నికల్లో గెలవడం కోసం ఆయన బీజేపీతో చేతులు కలిపారని ఎన్నో వదంతులు రాగా.. గెలిచిన అనంతరం ఆ తరహాలోనే మరిన్ని విమర్శనాస్త్రాలు ఎక్కువయ్యాయి. ముఖ్యంగా ప్రత్యేక హోదా విషయంలో బాబు బీజేపీని ప్రశ్నించలేకపోతున్నారని, వారి అడుగుజాడల్లోనే బానిసలాగా నడుస్తున్నారని, అందుకే బీజేపీ చెప్పినట్లుగానే తలొగ్గుతున్నారన్న ఆరోపణలు ప్రత్యర్థిపార్టీలు చేయడం సర్వసాధారణమైపోయింది.

ఇప్పటికీ అటువంటి విమర్శలు తీవ్రమవుతున్న తరుణంలో.. ఆ కామెంట్లకు చెక్ పెడుతూ ఏపీ మంత్రి పల్లె రఘానాథరెడ్డి తనదైన శైలిలో వ్యాఖ్యానించారు. కేంద్రంలో అధికారంలో వున్న బీజేపీకి చంద్రబాబు బానిస కాదని.. బాద్ షా అని ఆయన అభివర్ణించారు. ఆంధ్రప్రదేశ్ కు ప్రత్యేక హోదాను సంపాదించే విషయమై అంత తేలిగ్గా వదలబోమని అన్నారు. ఇక ఈ క్రమంలోనే కాంగ్రెస్ నేత రఘువీరారెడ్డి తలపెట్టిన దీక్షను ప్రస్తావిస్తూ.. ఆయన దీక్ష ఈ దశాబ్దానికి అతిపెద్ద వింతదంటూ ఆయన వ్యంగ్యాస్త్రం చేశారు. ఏపీకి కాంగ్రెస్ చేసిన ద్రోహం తరాలు మారిన ప్రజలు మర్చిపోరని.. ఆ పాపం వారిని వెంటాడుతూనే వుంటుందని తెలిపారు.

AS