తెలంగాణ రాష్ట్రం ఏర్పడుతోంది : జానారెడ్డి

Posted: 12/16/2013 07:11 PM IST

ఈరోజు మంత్రి జానారెడ్డి అసెంబ్లీ మీడియా పాయింట్ వద్ద మాట్లాడటం జరిగింది.

 

* రాష్ట్ర ఏర్పాటుపై ఎన్ని అడ్డంకులు, అవంతరాలు ఎదురైనా తెలంగాణ ప్రత్యేక రాష్ట్రం ఏర్పాటు అవుతుందని ఆయన ఆశాభావం వ్యక్తం చేశారు.

 

* అసెంబ్లీలో బిల్లు ప్రతులను సీమాంధ్ర నేతలు చించడం అప్రజాస్వామికమని, దీనిపై సీమాంధ్ర నేతలు వివరణ ఇవ్వాలని జానారెడ్డి డిమాండ్ చేశారు.

 

* స్పీకర్ నాదెండ్ల మనోహర్ పక్షపాతంగా వ్యవహరిస్తున్నారని కొందరు ఆరోపణలు చేస్తున్నారని, ఆయనపై ప్రాంతీయ తత్వం మోపడం సరికాదని, స్పీకర్ రాజ్యాంగ బద్ధంగా వ్యవహరిస్తారన్న విశ్వాసం తమకు ఉందని జానారెడ్డి పేర్కొన్నారు.

 

* అయితే వెంటనే బీఏసీ సమావేశం నిర్వహించి, బిల్లుపై చర్చించాలని, అసెంబ్లీ సమావేశాలు పొడిగించైనా బిల్లుపై చర్చించాలని ఆయన డిమాండ్ చేశారు.

 

* తెలంగాణ బిల్లు ప్రాముఖ్యతను గ్రహించాలని, 15 రోజుల్లోగా రాష్ట్రపతికి పంపాలని జానారెడ్డి పేర్కొన్నారు.

 

* సీమాంధ్ర నేతలు బిల్లుపై గందరగోళం సృష్టించేందుకు ప్రయత్నిస్తున్నారని, అవగాహన లేకే ఆందోళనకు దిగుతున్నారని, విభజన రాజ్యాంగ బద్ధంగానే జరుగుతోందని అన్నారు.

 

* రాష్ట్ర వ్యవహారాల ఇన్చార్జ్ దిగ్విజయ్ సింగ్‌పై టీడీపీ అధ్యక్షుడు చంద్రబాబు నాయుడు చేసిన వ్యాఖ్యలు సరికాదని జానారెడ్డి అన్నారు.

 

* రెండు సార్లు రాష్ట్ర ముఖ్యమంత్రిగా చేసిన వ్యక్తి ఇలా మాట్లాడడం దారుణమని వ్యాఖ్యానించారు. ప్రజలను రెచ్చగొట్టే వ్యాఖ్యలు సరికాదని ఆయన అన్నారు. ఇలా మాట్లాడడం బాబు తగదని అన్నారు.

 

* తెలంగాణ ముసాయిదా బిల్లు అసెంబ్లీలో ప్రవేశపెట్టడం సంతోషకరమైన విషయమని, రాష్ట్రం ఏర్పాటు చేసిన రాష్ట్రపతి, ప్రధాని, సోనియా, రాహుల్‌కు కృతజ్ఞతలు అని మంత్రి జానారెడ్డి తెలిపారు.