ITEMVIDEOS: వైరల్: అక్టోపస్ ను లైవ్ స్ట్రీమింగ్ లో సజీవంగా తినేద్దామని..

Posted: 05/09/2019 08:54 PM IST

సోషల్ మీడియా అందుబాటులోకి వచ్చిన తరువాత దానిపై ఏమాత్రం ఆసక్తి లేని వారు కూడా.. తమ వీడియో ఏదో ఒకటి హల్ చల్ చేయాలని విశ్వప్రయత్నాలు చేస్తుడటం సర్వసాధారణంగా మారిపోయింది. తమకు చెందిన చిన్నపాటి వీడియాతో సంచలనం సృష్టించేందుకు నెట్ జనులు భయానక ఫీట్లు కూడా చేస్తుంటారు. కొందరు అదృష్టం బాగుండి విజయంసాధించి క్రేజ్ సంపాదిస్తే.. మరికొందరు ప్రయత్నాలు విఫలమై భారీ మూల్యం కూడా చెల్లించుకున్న సందర్భాలు అనేకం వున్నాయి. అయితే కొన్ని సందర్భాలలో విజయం వరించిన వారు కూడా మరికొన్ని ప్రయత్నాలు విఫలమై చేదు జ్ఞాపకాలను మిగుల్చుతుంది.

తాజాగా ఆహారం విషయంలో ఓ యువతి చేసిన ప్రయత్నం భయానక అనుభవాన్ని ఎదుర్కోంది. ప్రస్తుతం సామాజిక మాధ్యమాల్లో చక్కర్లు కొడుతోన్న ఈ వీడియో చూస్తే ఎవరికైనా ఒళ్లు గగుర్పొడవాల్సిందే. అసలు ఈ యువతి చేసిన ప్రయత్నం ఏమిటో తెలుసా.? ప్రాణంతో ఉన్న ఆక్టోపస్ ‌(సముద్రంలో లభ్యమయ్యే ఓ జలచరం)తో కడుపు నింపుకోవాలనుకుంది ఓ చైనాకు చెందిన యువతి. రికార్డు చేసి వీడియోను పెట్టడం ఎందుకని భావించిందో ఏమిటో తెలియదు కానీ.. ఏకంగా లైవ్‌ స్ట్రీమింగ్ లో తినేస్తే రెస్పాన్స్ బాగా వుంటుందని, తన వీడియోకూ లైకులు, వ్యూస్ కూడా అధికంగా లభిస్తాయని నిర్ణయించుకుంది.

ఇంకేముందు విన్యాసానికి తెరలేపుతూ అక్టోపస్ ను చేతుల్లో పట్టుకుని లైవ్ స్ట్రీమింగ్ అన్ చేసింది. అంతే అమె ప్రయత్నం కాస్తా బెడిసి కొట్టి, తాను తినాల్సిన ఆక్టోపస్‌తోనే పోరాడాల్సిన పరిస్థితి ఏర్పడింది. ఆక్టోపస్ ఏమాత్రం ఆ యువతికి నోటి చిక్కకుండా తన టెంటకిల్స్‌తో ఆమె చర్మాన్ని గట్టిగా పట్టుకుంది. దీంతో భయానికి గురైన ఆ యువతి గట్టిగా కేకలు వేస్తూ, ఏడుపు మొహం పెట్టి దాన్నుంచి విడిపించుకుకోడానికి విశ్వ ప్రయత్నం చేసింది. ఓవైపు ఏడూస్తూనే, దాని నుంచి విముక్తి పోందాలన్న ప్రయత్నాన్ని మాత్రం మానలేదు. దీంతో ఎట్టకేలకు అమెప్రయత్నం ఫలించింది.

ఆక్టోపస్ నుంచి ఎలాగోలా బయటపడిన యువతి.. హమ్మయ్య అని ఊపిరిపీల్చుకుంది. అయితే దాని ప్రభావం వల్ల ఆమె మొహం మీద చిన్నపాటి గాయం అయింది. గాయాన్ని కూడా లైవ్ స్ట్రీమింగ్ లో చూపుతూ.. చూడండీ.. దీన్ని సజీవంగా తినాలనే నా ప్రయత్నాలపై దెబ్బకొ్ట్టిన ఈ ఆక్టోపస్.. నా చెంపపై ఎలా గాయం చేసిందో అని చెప్పడం కొసమెరుపు. చైనీస్‌ ఫొటో షేరింగ్ యాప్ కువైషౌలో ఆ యువతి ఈ క్లిప్‌ను షేర్‌ చేస్తూ తొందరలో ఉన్నప్పుడు జీవంతో ఉన్న ఆక్టోపస్ ను తినడానికి ప్రయత్నించొద్దని ఉచిత సలహా కూడా ఇచ్చింది. ఇప్పుడీ వీడియో నెట్టింట్లో వైరల్ గా మారింది. లక్షల సంఖ్యలో నెటిజన్లు ఈ వీడియోను వీక్షించారు.