కరీంనగర్ లో అనుమానిత పరువు హత్య కలకలం..

Posted: 10/09/2018 02:49 PM IST

Telangana man found dead in suspected honour killing in karimnagar

కరీంనగర్ జిల్లాలో మరో పరువు హత్య కలకలం రేపుతుంది. శంకపట్నం మండలం తాడికల్ గ్రామానికి చెందిన 22ఏళ్ల గడ్డి కుమార్.. వంకాయగూడెం గ్రామ శివారులో రోడ్డుపక్కనే చెట్లలో అతడి మృతదేహాన్ని అనుమానాస్పద స్థితిలో పడివుంది. సమాచారం అందుకున్న పోలీసులు సంఘటనా స్థలానికి చేరుకున్నారు. ప్రేమ వ్యవహారంలోనే అతడిని చంపేసి ఉంటారని పోలీసులు అనుమానిస్తున్నారు. మృతుడి కుటుంబసభ్యులు, బంధువులు.. ఇది కచ్చితంగా పరువు హత్యేనని.. అమ్మాయి తరపువారే యువకుడిని హత్యచేశారని అనుమానాల్ని వ్యక్తం చేస్తున్నారు.

గతంలో కుమార్ కు మైనర్ బాలికతో పరిచయం ఏర్పడింది. దీంతో ఏడాది క్రితం బాలిక తల్లిదండ్రులు కుమార్ పై నిర్భయ చట్టం కింద్ కేసు నమోదు చేశారు. ఈ కేసు నేపథ్యంలో మృతుడు కుమార్ ఏడాది పాటు జైలులో శిక్షను కూడా అనుభవించాడని పోలీసు కమీషనర్ తెలిపారు. అయితే జైలు నుంచి వచ్చిన కుమార్ నిన్న అమ్మాయిని తీసుకుని వెళ్లాడు. తన ఇంటి సభ్యులకు ఫోన్ చేసి.. తాను ఇంటికి వస్తున్నానని, వచ్చిన తరువాత అన్ని విషయాలు మాట్లాడుకుందామని కూడా చెప్పాడని సీపీ తెలిపారు.

అయితే ఆ తరువాత అతని ఫోన్ కూడా స్విచ్ఛాప్ అయ్యింది. ఈ క్రమంలో నిన్న సాయంత్రం నుంచి కుమార్ కనిపించడం లేదంటూ అతని కుటుంబసభ్యులు పోలీసులకు పిర్యాదు చేశారని సీపి తెలిపారు. అయితే ఇవాళ ఉదయం అదే గ్రామశివార్లలో కుమార్ విఘతజీవిగా పడివున్నాడని సీపీ తెలిపారు. కుమార్ ఒంటిపై ఎలాంటి గాయాలు కూడా లేవని, అయితే కుమార్ మరణానికి గల కారణాలు ఏంటన్న వివరాలు తెలియాలంటూ పోస్టుమార్టం నివేదిక వచ్చే వరకు వేచిచూడాలని సిపీ తెలిపారు.

అయితే తాడికల్ గ్రామానికి చెందిన కుమార్… అదే గ్రామానికి చెందిన మరో యువతి కొన్నాళ్లుగా ప్రేమించుకుంటున్నారు. కుమార్ తో పాటు వారి కుటుంబసభ్యులను యువతి తల్లిదండ్రులు ఇప్పటికే పలుమార్లు హెచ్చరించారు. అయినా వారు చాటుమాటుగా కలవడంతో కుమార్ పై నిర్భయచట్టం కింద కేసు కూడా పెట్టారు. దీంతో జైలుకు వెళ్లిన కుమార్ తిరిగివచ్చిన తరువాత ఆదివారం తనకు చివరి కాల్ వచ్చిందని యువతి విలపిస్తూ మీడియాకు చెప్పింది. ఆదివారం రోజున ఓ నలుగురు వచ్చారని… తర్వాత వెళ్లిపోయారని… వాళ్లు తనను బెదిరించారని.. అవసరమైతే తానే వాళ్లను కొట్టడానికి సిద్ధమని కుమార్ చెప్పాడని వివరించింది.