కాంగ్రెస్ పై బాబు విధ్వంసం

Posted: 10/26/2013 05:16 PM IST

ప్రదానమంత్రి , కేంద్ర మంత్రులు కలిసి తెలుగుజాతిని విధ్వంసం చేస్తున్నారని తెలుగుదేశం అధినేత చంద్రబాబు నాయుడు ద్వజమెత్తారు. శ్రీకాకుళం జిల్లాలో ముంపు ప్రాంతాలల వాసుల్ని పరామర్శించేందుకు వచ్చిన ఆయన విశాఖ విమానాశ్రయంలో మీడియాతో మాట్లాడారు. స్వప్రయోజనాలకోసేమే కాంగ్రెస్ పార్టీ రాష్ట్ర విభజనకు పూనుకుందన్నారు. తెలంగాణలో తెరాస, సీమాంద్రలో వైకాపాతో అనధికారిక పొత్తులు కుదుర్చుకుని రాష్ట్రాన్ని నిట్టనిలువుగా చీల్చిందన్నారు. అధికారం కోసం సీమాంద్రలోని కాంగ్రెస్ పార్టీనే నాశనం చేస్తోందని ఆ పార్టీ నాయకులే తీవ్ర ఆవేదన వ్యక్తం చేస్తున్నారన్నారు.

 

విద్వేషానలను రెచ్చగొట్టే ప్రక్రియను ఆపాలని సూచించారు. శ్రీకాకుళం జిల్లాలో ముంపు కారణంగా పలు ప్రాంతాల వాసులు తీవ్రంగా నష్టపోయినప్పటికీ ప్రభుత్వం పట్టించుకోవటం లేదని ఆరోపించారు. ప్రభుత్వాన్ని ఆప్రమత్తం చేసి, ప్రజలకు సాద్యమైన మేర సాయం చేయాలనే ఉద్దేశంతోనే జిల్లాల పర్యటనుల చేపట్టినట్లు చేప్పారు. విశాఖ నుంచి రోడ్డు మార్గం ద్వారా చంద్రబాబు శ్రీకాకుళం బయలుదేరారు.

 

శ్రీకాకుళం జిల్లా నరసన్న పేట మండలం కోమర్తి గ్రామంలో ముంపు బాధితులను చంద్రబాబు పరామర్శించారు. భారీ వర్షాలకు దెబ్బతిన్న అరటితోటను రైతులతో కలిసి పరిశీలించారు. గ్రామానికి చెందిన కింజరపు సూర్య నారాయణ అనే రైతుతో మాట్లాడి సమస్యలు తెలుసుకున్నారు. అరటి పంటకు ఎకరాకు రూ. 50 వేల నష్టం వాటిల్లితే, ప్రభుత్వం హెకాక్టరుకు రూ. 24. వేలు ఇస్తుందని రైతుల చంద్రబాబుకు వివరించారు.