బలపడిన ఫైలిన్ - భయపడుతున్న అధికారులు

Posted: 10/10/2013 05:19 PM IST

Bay of bengal depression turn as cyclone phailin

బలపడిన ఫైలిన్ తుపాన్ ఇది మరింత బలపడి ఈరోజు సాయంత్రంలోగా పెను తుపానుగా మారే అవకాశాలున్నట్లు విశాఖలోని తుపాను హెచ్చరికల కేంద్రం తెలిపింది. దీనికి థాయ్ లాండ్ దేశం సూచించిన 'ఫైలిన్` పేరును ఖరారు చేశారు.అండమాన్ నుంచి వాయువ్య దిశగా ప్రయాణిస్తూ ప్రస్తుతం విశాఖపట్టణానికి తూర్పు ఆగ్నేయ దిశలో 1100 కిలోమీటర్ల దూరంలో కేంద్రీకృతమైంది.

విశాఖ జిల్లాలో భారీ వర్షాలు కురుస్తున్నాయి. విశాఖకు తూర్పు ఆగ్నేయ దిశలో 1100 కి.మీటర్ల దూరంలో కేంద్రీకృతమైంది. మరో 24 గంటల్లో తీవ్ర తుపాన్ గా బలపడే అవకాశం ఉందని విశాఖ తుపాను హెచ్చరికల కేంద్రం పేర్కొంది. ప్రజలు అప్రమత్తంగా ఉండాలని, మత్స్య కారులు సముద్రంలోకి వెళ్లవద్దని సూచించారు. పొల్లూరు జలవిద్యుత్ కేంద్రంలో 440 మెగావాట్ల విద్యుత్ ఉత్పత్తి నిలిచిపోయింది. డొంకరాయి పవర్ కెనాల్ నుండి నీరు అందకపోవడంతో విద్యుత్ ఉత్పత్తి నిలిచిపోయిందని అధికారులు పేర్కొన్నారు.

పెను తుపానుగా మారిన వాయుగుండం

బంగాళాఖాతంలో ఏర్పడిన వాయుగుండం పెనుతుపాను 'ఫైలిన్' గా మారింది. విశాఖకు 870 కి.మీ దూరంలో ఇది కేంద్రీకృతమై ఉంది. కళింగపట్నం-పరదీప్ ల మధ్య గోపాల్ పూర్ వద్ద ఇది తీరం దాటొచ్చని వాతావరణ శాఖ పేర్కొంది. సముద్రంలో అలలు రెండు మీటర్ల ఎత్తున ఎగసిపడే అవకాశం ఉందని తెలిపింది.