ఆగష్టులో తారక్, నాగ్ ల మల్టీస్టారర్

Posted: 05/21/2014 12:57 PM IST

‘‘బృందావనం’’ చిత్రం తర్వాత యంగ్ టైగర్ ఎన్టీఆర్, దర్శకుడు వంశీ పైడిపల్లి దర్శకత్వంలో తాజాగా ఓ మల్టీస్టారర్ చిత్రం తెరకెక్కబోతుంది. ఇందులో ఎన్టీఆర్ తో పాటు నాగార్జున కూడా కలిసి నటించనున్నాడు. ఈ చిత్రాన్ని పివిపి బ్యానర్లో నిర్మాత ప్రసాద్ వి పోట్లూరి నిర్మించనున్నాడు. ఆగష్టు నెలలో సెట్స్ పైకి వెళ్లనుంది. ‘‘బృందావనం’’ వంటి బ్లాక్ బస్టర్ హిట్ చిత్రం తర్వాత మరోసారి ఎన్టీఆర్ తో సినిమా చేయడానికి సిద్ధమయిన దర్శకుడు వంశీ... ఈ కొత్త చిత్రం కోసం చాలా జాగ్రత్తలు తీసుకొని అటు తారక్, ఇటు నాగార్జునల స్థాయి మరింత పెంచే విధంగా కథను సిద్ధం చేస్తున్నాడని తెలిసింది. ఈ చిత్రానికి సంబంధించిన హీరోయిన్లు, సాంకేతిక వర్గం గురించి త్వరలోనే అధికారికంగా ప్రకటించనున్నారు.

ప్రస్తుతం ఎన్టీఆర్ నటిస్తున్న ‘‘రభస’’ విడుదలకు సిద్ధమవుతుంది. అదే విధంగా పూరీ జగన్నాద్ దర్శకత్వంలో నిర్మాత బండ్ల గణేష్ నిర్మించబోయే సినిమాలో ఎన్టీఆర్ హీరోగా నటించనున్నాడు. అలాగే నాగార్జున కూడా ‘‘మనం’’ చిత్ర ప్రమోషన్ కార్యక్రమాలలో బిజీగా ఉన్నారు. మే 23న ప్రేక్షకుల ముందుకు రాబోతుంది.

Sandy