ధర్మశాల మ్యాచ్ తో కొత్త ప్రపంచ రికార్డు సాధించిన ధోని

Posted: 10/03/2015 04:39 PM IST

India captain ms dhoni sets another world record

టీమిండియా వన్డే, టీ-20 కెప్టెన్ మహేంద్ర సింగ్ ధోని మరో ప్రపంచ రికార్డును సాధించాడు. దక్షిణాఫ్రికాతో హిమాచల్ ప్రదేశ్ లోని ధర్మశాలలో జరిగిన టి-20 మ్యాచ్లో టీమిండియా ఓటమి పాలైనా.. కెప్టెన్ ధోని మాత్రం రికార్డును సాధించాడు. అదేంటి అనుకుంటున్నారు. ఇటీవలే ప్రపంచ క్రికెట్ లోకి అడుగుపెట్టిన ఈ పోట్టి ఫార్మెట్ క్రికెట్ లో మహేంద్ర సింగ్ ధోణి.. అర్థశతకం మ్యాచ్ లకు నాయకత్వం సారధ్యం వహించి ప్రపంచ రికార్డును నెలకొల్పాడు. అంపైర్ల తప్పుడు నిర్ణయాల వల్లే ఈ మ్యాచ్ ను ఓడిపోయామని కూడా ఆయన చెప్పుకోచ్చారు.

మరోవైపు ఈ మ్యాచ్ లో చెలరేగి 62 బంతుల్లో సెంచరీ నమోదు చేసిన రోహిత్ శర్మ భారత్ తరఫున టి20ల్లో సెంచరీ నమోదు చేసిన రెండో ఆటగాడిగా నిలిచాబు. గతంలో రైనా కూడా దక్షిణాఫ్రికాపైనే శతకం బాదాడు. ఈ మ్యాచ్‌తో రోహిత్ మూడు ఫార్మాట్‌లలోనూ సెంచరీ చేసిన ఆటగాడయ్యాడు. ఓవరాల్‌గా ఈ ఘనత సాధించిన తొమ్మిదో బ్యాట్స్‌మన్. ఈ ఇన్నింగ్స్‌తో వన్డేలు, టి20ల్లోనూ అతను భారత టాప్‌స్కోరర్‌గా నిలిచాడు. ఇదిలావుండగా, రోహిత్, కోహ్లి నెలకొల్పిన 138 పరుగుల భాగస్వామ్యం టి20ల్లో భారత్‌కు అత్యుత్తమం. గతంలో గంభీర్, సెహ్వాగ్ (136) రికార్డును వీరు చెరిపేశారు. ఇక టి20ల్లో 1000 పరుగులు పూర్తి చేసుకున్న తొలి భారత ఆటగాడిగా నిలిచాడు విరాట్ కోహ్లి. ప్రపంచ క్రికెట్‌లో అందరికంటే తక్కువ ఇన్నింగ్స్‌లలో (27) అతను ఈ ఘనత సాధించాడు.

జి. మనోహర్