మోక్షం పొందడానికి ఏం చేయాలి?

Posted: 04/10/2014 11:15 AM IST

భక్తితో కూడిన జ్ఞానాన్ని కలిగినప్పుడే మనిషి తన గురించి తాను తెలుసుకోగలుగుతాడు. తనలో వున్న శక్తిసామర్థ్యాలను సాధన మార్గంవైపు మళ్లించుకోవడానికి ప్రయత్నిస్తాడు. అయితే ఇటువంటి జ్ఞానాన్ని పొందగలగాలంటే.. ముందు భగవంతుడిని సాధనగా చేసుకోవాలి. 

భగవంతుని చుట్టూ అలుముకుని వున్న దివ్యత్వాన్ని, అందులో వున్న ఉపదేశాలను, ప్రబోధాలను గ్రహించగలగాలి. అందులో ఆచరణయోగ్యమైన వాటిని నిత్యం ఆచరించాలి. అందులో వున్న నీతిని గ్రహించి నలుగురికి పంచిపెట్టాలి. తనలో వున్న ఇటువంటి జ్ఞానాన్ని ఉపయోగించి మోక్షసాధనకు ప్రయత్నాలు చేస్తే.. పుణ్యం లభిస్తుంది. ఆ పుణ్యమే మోక్షాన్ని కలిగిస్తుంది. 

ఇలాకాని పక్షంలో.. అజ్ఞానంతో జీవితాన్ని కొనసాగించేవారు ఎప్పటికీ మోక్షాన్ని పొందలేరు. తిరిగి ఏదో ఒక నీచమైన జన్మను ఎత్తి, పాపాలను అనుభవించాల్సి వుంటుంది. పాపపుణ్యాలు సమానంగా వున్నప్పుడే ఆత్మ మనిసి రూపంలో జన్మిస్తుంది. భగవంతుడు సృష్టించిన జీవచలరాశులు ఏవీ ఆయన భక్తిని గుర్తించలేకపోతున్నాయి. అయితే కేవలం మానవుడు ఒఖ్కడే ఆయన్ని గుర్తించనవాడు. అందుకే మానవజన్మం ఎంతో ఉత్తమమైంది అంటారు. 

మనిషి తనకున్న జ్ఞానంతోనే నలుగురిలో వివేకంగా మెలిగి.. భగవంతుని కీర్తిని గానం చేస్తే భగవంతుడు పరవశం చెందుతాడు. 

ఆధ్యాత్మికమార్గంలో నడవడానికి సరైన గురువును ఎంచుకోవాలి. ఆయన చూపిన మార్గంలో నడిచి, నీతిసూత్రాలు ఆచరించాలి. భగవంతుని మీద చూసే భక్తిశ్రద్ధలే మనకు మోక్షాన్ని కలిగిస్తాయి.