నయనతార ఇక ఆగలేనంటుంది

Posted: 12/26/2013 03:38 PM IST

మాంచి వయస్సులో ఉన్నప్పుడు వెండితెర పైనే ఉన్న అందాలన్నీ ఆరబోస్తే రేపు చేసుకున్నవాడికి ఏం మిగులుతాయనుకుంటున్నారో లేక, ఉన్న వయస్సు అంతా పోయాక సంపార జీవితాన్ని ఎంజాయ్ చేసేదెప్పుడు అనే ఆలోచనకు వచ్చారో కానీ మన టాలీవుడ్ వెండితెర భామలు మెల్లిమెల్లిగా పెళ్ళి ఆలోచనలు చేస్తున్నారు. ఇప్పటికే చాలా మంది హీరోయిన్లు పెళ్లి చేసుకోగా.... మూడు పదుల వయస్సు దగ్గర పడుతున్న ఇంకొంత మంది హీరోయిన్లు పెళ్ళి ప్రస్తావనకు వస్తున్నారు. నయనతార కూడా పెళ్లి మాట చెబుతోంది.

వచ్చే ఏడాది మే నెలలో తన పెళ్లి కబురు చెబుతానని ఈ ముద్దుగుమ్మ తాజాగా వెల్లడించి అందర్నీ ఆశ్చర్యంలో ముంచెత్తింది. అయితే, పెళ్ళికొడుకు ఎవరు? లవ్ మేరేజా? లేక పెద్దలు కుదిర్చిన పెళ్ళా? అన్నది మాత్రం బయటపెట్టలేదు. కోలీవుడ్ వర్గాలు మాత్రం హీరో ఆర్యాతో ఈ అమ్మడి వివాహం జరుగుతుందని ప్రచారం చేస్తున్నాయి. ఇప్పటికే శింబు, ప్రభుదేవాలతో నయనతార ప్రేమ వ్యవహారాలు బెడిసికొట్టిన విషయం మనకు తెలిసిందే. ఇప్పటికే ప్రేమలో ముగిని చూడాల్సిన రుచులు, పొందాల్సిన అనుభూతిని పొందిన నయనతారను పెళ్ళి చేసుకునేదెవరో ?