Posted: 03/18/2013 07:39 PM IST

ఒక బిజినెస్ మేన్ ఏ విషయమైనా బిజినెస్ పరంగానే ఆలోచిస్తాడనేది వాస్తవం. ఇక సినిమా ప్రొడ్యూసర్ల సంగతైతే వేరే చెప్పాల్సిన అవసరం లేదు. టాలీవుడ్ మెగా ప్రొడ్యూసర్ అయిన డి. సురేష్ బాబు కూడా మొన్న జరిగిన తారల క్రికెట్ లీగ్ తో కూడా బిజినెస్ చేశాడని అంటున్నారు టాలీవుడ్ సినీ జనాలు. ఇంతకీ విషయం ఏంటేంటే... ఈయన మన టాలీవుడ్  తెలుగు వారియర్స్ టీం ని కొన్నాడు. సినీ తారలే ఆడాల్సిన ఈ టోర్నీ కప్ కోసం సురేష్ బాబు రంజీ ప్లేయర్స్ ని పెట్టి ఆడించాడట. తెలుగు టీంలో ఓపెనర్ గా వచ్చి అంతర్జాతీయ క్రికెటర్ లెవల్లో ఆడుతూ అందరి చూపున తనవైపు తిప్పుకున్న ఆదిత్యను చూసిన జనాలు ఈయన వెండితెర నటుడా ? బుల్లితెర నటుడా ? ఇంత వరకు ఎక్కడ చూడలేదే ఎక్స్ ప్రెషన్స్ పెట్టారు.

ఈ టోర్నీకి ముందే సురేష్ బాబు బిజినెస్ మైండ్ తో ఆలోచించి కొందరు ప్లేయర్లను తెచ్చి, వారిని పెట్టి ఆఘమేఘాల మీద  15 లక్షలు ఖర్చుబెట్టి , 'కేస్ నెం. 666/2013' అనే సినిమాను తీసి, వారికి ‘మా ’ లో సభ్యత్వం ఇచ్చి టీంలో చేర్చించుకున్నాడట. ఇందులో నటించిన ఆదిత్యనే తెలుగు వారియర్స్ జట్టు ఓపెనర్. సురేష్ బాబు కప్ గెలిచి భారీ ప్రైజ్ మనీ కొట్టేద్దామనుకున్న ప్లాన్ బాగానే వర్కట్ అయింది కానీ, ఫైనల్లో ఓడిపోవడంతో కాస్త నిరాశకు గురి చేసిందట. ఈ విషయం తెలుసుకున్న మిగతా జట్టుల ఓనర్లు సురేష్ బాబు తెలివితేటలకు ముక్కుమీద వేలేసుకోవడమే కాకుండా, ఏదో సరదాగా నిర్వహించే టోర్నీని కూడా సురేష్ బాబు బిజినెస్ చేసుకున్నాడని అనుకుంటున్నారట.