Posted: 12/07/2012 12:20 PM IST

హాలీవుడ్ నటి జాక్వెలిన్ ఫెర్నాండేజ్ కి ఎంత క్రేజ్ ఉందో మనం వేరే చెప్పనక్కర్లేదు. హాట్ లేడీగా పేరొందిన జాక్వెలిన్ ఇప్పుడు వార్తల్లోకి ఎక్కింది. ఎప్పుడు ఫ్యాన్స్, షూటింగ్స్ అంటూ బిజీగా ఉండే వీరు ఏకాంతంగా ఉండే లగ్జరీ లైఫ్ ని కోరుకుంటారు . అందులో భాగంగానే జాక్వెలిన్‌ ఫెర్నాండెజ్ శ్రీలంక లో ఓ ద్వీపం కొనుగోలు చేసిందట. ఖాళీ సమయం  దొరికినప్పుడు ఏకాంతంగా, స్వేచ్చగా గడపడానికి విదేశాలకు వెళ్ళి గడిపే బదులు, జన సంచారానికి దూరంగా ఏకాంతంగా ఉండే ఈ ప్రదేశాన్ని కొంటే ప్రాపర్టీకి ప్రాపర్టీ, ఏకాంతానికి ఏకాంతం లభిస్తుందని భావించి కొనుగోలు చేసిందట. ఈ ద్వీపం శ్రీలంక క్రికెటర్ సంగక్కర కొన్న ద్వీపానికి సమీపంలోనే ఉందట. హాలీవుడ్ లో సెటిల్ అయిన ఈ అమ్మడు  మాతృదేశం శ్రీలంకే. అందుకే అక్కడ ద్వీపాన్ని కొనేసిందట. ఈ అమ్మడు అందాల కిరీటాన్ని సొంతం చేసుకోవడంతో పాటు మోడల్‌, నటి అయిన జాక్వెలిన్‌ మర్డర్‌-2, హాస్‌ఫుల్‌-2 చిత్రాల ద్వారా బాలీవుడ్‌లో హాట్ లేడీల ప్రక్కన ఒక స్థానాన్ని సంపాదించుకుంది. జాక్వెలిన్ అక్కడ ద్వీపం కొనడం ఒక వరంగా భావిస్తున్నారట అక్కడి వ్యాపారులు. ఎందుకంటే ఈ హాట్ ప్రక్కన ఉన్న ద్వీపాలను కొనేందుకు చాలా మంది పోటీ పడుతుండటంతో అక్కడ రేట్లు అమాంతం పెరిగిపోయాట. మరి ఈ అమ్మడు అందాలు చూడాలంటే ఆ మాత్రం రేటు పెట్టక తప్పదంటున్నారు కొందరు ఔత్సాహికులు.