Posted: 08/16/2012 05:11 PM IST

నందమూరి ఎన్టీ రామారావు మనవడిగా తెలుగు తెర పై ఎంట్రీ ఇచ్చి, తన నటనతో, డాన్సులతో ప్రేక్షకుల మనస్సులు దోచుకున్న జూనియర్ ఎన్టీఆర్ టాలీవుడ్ టాప్ హీరోలలో ఒకడు. మరి ఈయన కొత్త సినిమా మొదలైందంటే చాలు... ఎప్పుడు రిలీజ్ అవుతుందా అని వేయి కళ్ళతో ఎదురు చూస్తారు. ఇక డైరెక్టర్లు అయితే జూనియర్ ఎన్టీఆర్ ని తెర పై వైవిధ్యంగా చూపించడానికి శత విధాల ప్రయత్నాలు చేస్తారు. ఎన్టీఆర్ యాక్షన్ ని, కామెడీని సమపాళ్ళలో పండిస్తాడు కాబట్టి అందుకు తగ్గట్లే పాత్రలను తీర్చిదిద్దుతారు. ఇతని క్రేజ్ ని మార్కెట్ చేసుకోవడానికి మంచి మసాలా సాంగులను కూడా పెడతారు.  ఇవన్నీ అందరి హీరోలలో ఒక ఎత్తు అయితే, నందమూరి వారి సినిమాలంటే ఇక ఈ స్టెప్పులకు, డ్యాన్సులకు కొదవేవుండదు. తాజాగా ప్రముఖ దర్శకుడు శ్రీను వైట్ల దర్శకత్వంలో ఎన్టీఆర్ ‘బాద్షా ’ సినిమా చేస్తున్నాడు.

ఇందులో ఓ మంచి ఐటంసాంగ్ పెట్టే యోచనలో ఉన్నట్టు సమాచారం. ఎన్టీఆర్ సినిమాలో ఐటెం సాంగ్ కి కళరావాలంటే భారీ స్టెప్పులతో పాటు అంతకుమించిన అందాల ఆరబోసే హిరోయిన్లు కావాల్సి ఉంటుంది. ఈ ఐటెం సాంగులో కత్తి లాంటి భామను వెతికే పనిలో దర్శకుడు ఉంటే... ఎన్టీఆర్ మాత్రం ఒకప్పుడు వెండి తెరను ఓ ఊపు ఊపి ఇప్పుడు ఆంటీలుగా మారిన వారి పై మనసు పారేసుకుంటున్నాడట. వారినే ఈ పాటలో పెట్టాలని పట్టుబడుతున్నాడట. ఆ హీరోయిన్లే రంభ, రమ్యకృష్ణ. గతంలో వీరితో ఐటెం సాంగు చేసిన సినిమాలు మంచి బ్రేక్ ఇచ్చాయి. ఆ సెంటిమెంటే కాకుండా వీరు ఐటెం సాంగులో నటిస్తే తెలుగు జనాలు ఎగబడి చూస్తారని, వీరిద్దరి గతంలో ఇలాంటి వాటిల్లో చేసిన అనుభవం ఉంది కాబట్టి ఐటెం సాంగ్ సూపర్ హిట్ అవుతుందని ఎన్టీఆర్ శ్రీను వైట్లకు చెప్పి నచ్చజెప్పే పనిలో ఉన్నాడట. మరి ఎన్టీఆర్ కి ఆ ఆంటీల పై అంత మోజు ఎందుకో.