Posted: 01/28/2012 02:33 PM IST

‘లీడర్’ చిత్రం ద్వారా వెండి తెరకు ఎంట్రీ ఇచ్చిన భామ రీచా గంగోపాధ్యాయ. ఈ భామకి తొలి సినిమా హిట్ అయినా, తరువాత అంతగా అవకాశాలు రాలేదు. తరువాత మెల్లి పుంజుకొని తెలుగులో మిరపకాయ్, నాగవల్లి చిత్రాల్లో నటించింది. ‘మిరపకాయ్’ సినిమాలో తన ఘాటైన అందాలు చూపించి ఆకట్టుకున్న ఈ భామకు తమిళంలో కూడా ఆఫర్లు వచ్చాయి. అక్కడ కూడా సక్సెస్ కావడంతో ఈ భామ రేంజ్ ఒక్కసారిగా పెరిగిపోయింది.

తాజాగా ఈ భామ మరో సారి వెంకటేష్ నటించబోయే సినిమాలో తొలుత ఎంపికైంది. కానీ తరువాత ఆ సినిమా నుండి ఈ భామను తప్పించారు. దీనికి కారణం ఏంటంటే... తన రేంజ్ పెరిగిపోయిందనుకుందో, లేక తన అందాలు ఇంకా ఘాటెక్కాయనుకుందో కానీ వెంకీ సినిమా డైరెక్టర్ కి రెమ్యునరేష్ విషయంతో చుక్కలు చూపింది. ఆ దర్మకుడిని ఏకంగా 1 కోటి 25 లక్షలు కావాలని అడిగింది. దీంతో ఆయనకు పట్టపగలే చుక్కలు కనబడ్డాయి. ఇది వరకే ఫెయిల్యూర్స్ తో ఉన్న మెహర్ రమేష్ ఈ భామ అడిగింది ఇచ్చుకోలేక ఈ ప్రాజెక్టు నుండి తప్పించినట్లు సమాచారం. ఈ సినిమాలో చివరికి తెల్లతోలు తాప్పీని ఎంపిక చేసినట్లు కూడా తెలుస్తుంది. కానీ జనాలు మాత్రం రీచా అందాలకు కోటి రూపాయల డిమాండ్ కూడా లేదా ? అని చెవులు కొరుక్కుంటున్నారు.