నగరం నిద్రపోతున్న వేళ ‘ప్రేమ ఒక మైకం ’ తిరుగుతున్న ఛార్మి. వేశ్యగా ఆమె నగరం మొత్తం తిరుగుతుంది. ఇప్పుడు ఛార్మి వేశ్య పాత్రలో పరకాయ ప్రవేశం చేసి, అలరించడానికి సిద్ధమైంది. అదే ప్రేమ ఒకమైకం. ఛార్మి ప్రధాన పాత్ర వహించిన చిత్రమిది. చందూ దర్శకుడు. ఈ చిత్రం ఈ శుక్రవారం ప్రేక్షకుల ముందుకు రాబోతోంది. ఓ వేశ్య, గీతరచయిత, గాయని ఈ ముగ్గురి చుట్టూ నడిచే కథ ఇది.
25 సంవత్సరాలు నిండిన ఛార్మి వేశ్యగా మారితే ఎలా ఉంటుందో ప్రేమ ఒక మైకంలో చూపిస్తుంది.
ఈ సినిమాతో అన్ని అవార్డులూ ఛార్మికి వస్తాయని జోష్యం చెబుతున్నారంతా! ఛార్మి కూడా ఈ సినిమాపై చాలా నమ్మకంగా ఉంది. “చాలా రోజుల తరవాత నా మనసుకి నచ్చిన పాత్ర చేస్తున్నా. కథలో చాలా ఇన్వాల్వ్ అయ్యా. ఇలాంటి అవకాశం చాలా అరుదుగా లభిస్తోంది. చందూ కథ విని – ఇంప్రెస్ అయ్యా. డబ్బు, జీవితం పై విరక్తి, నిర్లిప్తత ఉన్న అమ్మాయిగా కనిపిస్తా“ అంటోంది.
వేశ్య పాత్రల సీజన్ అయినా- ఆ తరహా సినిమాలు ప్రేక్షకులకు ఎక్కలేదు. పవిత్ర, క్లాస్ అబ్బాయి, మాస్ అమ్మాయి ఫ్లాప్ల లిస్టులో చేరిపోయాయి. మరి ఈ సినిమా ఏమవుతుందో చూడాలి.
ప్రేమ ఈ ముగ్గురితో ఎలా ఆడుకొంది? ప్రేమను ఎవరెవరూ ఏ కోణంలో చూశారు అనేదే ఈ చిత్ర కథ.
టెన్త్ క్లాస్, నోట్బుక్ సినిమాలతో యూత్ పల్స్ పట్టేశాడు చందూ. చాలా గ్యాప్ తరవాత ఈ సినిమా తీస్తున్నారు. ఈ సినిమాతో హిట్ కొట్టి మళ్లీ రేసులోకి రావాలనుకొంటున్నారు.
పాత్రికేయుడు పులగం చిన్నారాయణ ఈ చిత్రానికి తొలిసారి సంభాషణలు అందించారు. ఆయన మాటలు పదునుగా సాగుతాయని, అందరికీ ఆలోచించపేస్తాయని చెబుతున్నారు.
ఛార్మికి ఈ సినిమా ఫలితం చాలా ముఖ్యం. ఎందుకంటే లేడీ ఓరియెంటెడ్ సినిమాలకు తాను సరిపోతా అని నిరూపించుకోవాల్సిన పరిస్థితి. అందుకే ఈ సినిమా హిట్ కొడితే బాగుండును అని కలలు కంటోంది ఛార్మి.
ప్రేమ ఒకమైకం సినిమా రివ్యూ హాట్ హాట్ గా వస్తుంది..