రాంచరణ్ ‘రంగస్థలం’ ఇప్పడు కన్నడంలో కూడా.!

Posted: 03/05/2019 06:51 PM IST

Ram charan s rangasthalam to be dubbed in various languages

మెగా పవర్ స్టార్ రాంచరణ్ తేజ్ నటించిన గ్రామీణ నేపథ్యంలోని చిత్రం రంగస్థలం తెలుగు చిత్ర పరిశ్రమలో అనేక రికార్డులను తిరగరాసిన విషయం తెలిసిందే. ఈ చిత్రం రెండు వందల కోట్ల క్లబ్ లో చేరిడంతో పాటు ఏకంగా చాలాకాలం తరువాత శతజయంతోత్సవాన్ని జరుపుకున్న తెలుగుచిత్రంగా కూడా రికార్డు పుట్టలకెక్కింది. అలాంటి ఈ చిత్రం ఇక త్వరలో శాండల్ వుడ్ లో కూడా చరిత్రను తిరగరాసేందుకు సన్నధమయ్యింది.

చెవిటివాడిగా రామ్ చరణ్ నటన ఈ సినిమాకి హైలైట్ గా మారింది. 120 కోట్ల షేర్ ను రాబట్టి ఈ చిత్రం టాలీవుడ్ రికార్డులను బ్రేక్ చేస్తూ, నాన్ బాహుబలి జాబితాలో మొట్టమొదటి స్థానాన్ని గెలుచుకుంది. ఇప్పటిదాకా తెలుగు ప్రేక్షకులను అలరించిన ఈ సినిమా ఇప్పుడు వేరే భాష ప్రేక్షకుల వద్ద అదృష్టాన్ని పరీక్షించుకోనుంది. తాజా సమాచారం ప్రకారం 'రంగస్థలం' సినిమా మలయాళం, కన్నడ మరియు తమిళ భాషల్లో విడుదల కానుంది.

ఈ సినిమా త్వరలోనే ఈ నెలలోనే విడుదల అయ్యే అవకాశాలు కనిపిస్తున్నాయని సమాచారం. తెలుగు సినిమాలు తమిళ, మలయాళ భాషల్లో డబ్ అవ్వడం ఎప్పుడు జరిగే పనే కానీ కన్నడలో మాత్రం ఇది రేర్ అని చెప్పుకోవచ్చు. మరి తెలుగు ప్రేక్షకులను బీభత్సంగా బాగా మెప్పించిన ఈ సినిమా మిగతా మూడు భాషల్లో ప్రేక్షకులను ఎంతవరకూ అలరిస్తుందో వేచి చూడాల్సి ఉంది. సుకుమార్ దర్శకత్వం వహించిన ఈ పీరియడ్ డ్రామా లో సమంత హీరోయిన్ గా నటించగా, ఆది పినిశెట్టి మరియు ప్రకాష్ రాజ్ ముఖ్య పాత్రలు పోషించారు.