రోజుకు పాతికమందిని ‘ఫసక్’ చేస్తున్న అనసూయ

Posted: 01/03/2019 08:45 PM IST

Anchor anasuya blocks nearly 25 followers daily on twitter

జబర్ధస్త్ షో యాంకరింగ్ చేసి అతితక్కువకాలంలో సెలబ్రిటీ స్టేటస్ సంపాదించిన అనసూయ భరద్వాజ్ కు దాంతోనే ఇటు తెలుగు చలనచిత్రరంగంలోకి ఎంట్రీ ఇచ్చి బహుచక్కని పాత్రలు పోషిస్తుంది. గత ఏడాది 'రంగస్థలం' సినిమాలో 'రంగమ్మత్త'గా ఆమె చేసిన సందడి అంతా ఇంతా కాదు. ఆ పాత్ర ఆమె క్రేజ్ ను మరింతగా పెంచేసింది. అంతకుముందు ఆమె తీసిన క్షణం చిత్రం కూడా అమెకు మంచిపేరును తీసుకువచ్చింది.

అలాంటి అనసూయ న్యూఇయర్ సందర్బంగా తన అభిమానులతో సోషల్ మీడియాలో ముచ్చటించింది. ఈ సందర్భంగా అమె రోజుకు కనీసం 20 నుంచి 25 మంది తన ఫాలోవర్లను బ్లాక్ చేస్తూవుంటానని కూడా చెప్పేసింది. అదేంటి అంటే అసంబధ్ద ప్రశ్నలు అడిగి విసిగించేవారిని ఎవరు మాత్రం భరిస్తారు అందుకనే అమె తన ఫాలోవర్లను ఫసక్ చేస్తుంది. ఫాలోవర్ల సంఖ్యను పెంచుకునే సెలబ్రిటీలు.. విసిగించేవారిని వదిలించుకోకపోతే అదో టెన్షన్. అసలే బిజీ షెడ్యూలతో యాంత్రంలా పనిచేసే వారికి ఈ నస ఎందుకు.

అయితే అమె చాటింగ్ సమయంలో అమెకు చిత్రమైన ప్రశ్నలు వచ్చిపడ్డాయి.. "మీరు టీవీ ఛానల్ ను .. సినిమా నిర్మాణ సంస్థను ఏర్పాటు చేస్తున్నట్టుగా విన్నాము .. వాటిని ఎప్పుడు ప్రారంభించబోతున్నారు?" అనే ప్రశ్న ఒక అభిమాని నుంచి అనసూయకి ఎదురైంది. అందుకు అనసూయ స్పందిస్తూ .."ఈ రూమర్ ఎక్కడి నుంచి వచ్చిందండీ బాబూ" అని ఆశ్చర్యాన్ని వ్యక్తం చేసింది. విక్టరీ వెంకటేష్ తో నటించాలన్న తన ఆశ తీరిందని అమె చెప్పుకోచ్చింది.

ఇక ఇతర అభిమానుల ప్రశ్నలకి సమాధానంగా .. 'నా కెరియర్లో 'రంగమ్మత్త' పాత్ర ఎప్పటికీ గుర్తుండిపోతుంది. ఈ సినిమాలో నా పాత్రకి వచ్చిన ప్రశంసలు ఎంతో ఉత్తేజాన్ని ఇచ్చాయి. నటనకు .. గ్లామర్ కి ప్రాధాన్యత గల పాత్రలనే అంగీకరిస్తానని చెప్పింది. అంతటితో అగని అభిమానులు అమె వంటిపైనున్న టాటూ గురించి కూడా అడగ్గా, నిక్కు అన్నది తన టాటూ అని అది తన భర్త ముద్దుపేరని చెప్పింది.