మనసును కట్టేస్తున్న హృదయం జరిపే సాంగ్

Posted: 12/06/2018 08:03 PM IST

Hrudhayam jaripe sai pallavi s next song is here

తన తొలి సినిమాతోనే తెలుగులో క్రేజ్ సంపాదించుకున్న నటి సాయిపల్లవి.. హను రాఘవపూడి దర్శకత్వంలో రూపొందుతున్న చిత్రంలో నటిస్తున్న విషయం తెలిసిందే. విభిన్నమైన కథంశాలను ఎంచుకుని తెలుగు ప్రేక్షకులలో తనకంటూ ఓ ప్రత్యేక గుర్తింపును సాధించుకున్న శర్వానంద్ ఈ చిత్రంలో హీరో. శర్వానంద్ కు జంటగా రొమాంటిక్ లవ్ స్టోరీగా నిర్మితమైన 'పడి పడి లేచె మనసు' సినిమాలో నటిస్తున్న సాయిపల్లవి చిత్రంలో కాలేజ్ స్టూడంటుగా కనిపించనుందని టాక్. ఈ సినిమాను ఈ నెల 21వ తేదీన విడుదల చేయనున్నారు. ఈ నేపథ్యంలో ఈ సినిమా నుంచి ఒక లిరికల్ వీడియో సాంగ్ ను రిలీజ్ చేశారు.

"నువు నడిచే ఈ నేలపైనే .. నడిచానా ఇన్నాళ్లుగానే .. ఈ క్షణమే ఆపాలనున్నది భూభ్రమణమే. ఈ చెలిమి వద్దంటూ గతమే .. బందీగా చేసింది నన్నే .. తక్షణమే చేయాలనున్నది తనతో యుద్ధమే" అంటూ ఈ పాట కొనసాగుతోంది. సంగీత సాహిత్యాలు బాగున్నాయి. శర్వానంద్ .. సాయిపల్లవిపై సాగే ఈ పాట యూత్ కు బాగా కనెక్ట్ అవుతుందని అనిపిస్తోంది. 'మిడిల్ క్లాస్ అబ్బాయి' హిట్ తరువాత సాయిపల్లవి .. 'మహానుభావుడు' హిట్ తరువాత శర్వానంద్ చేసిన సినిమా ఇది. అందువలన సహజంగానే మంచి అంచనాలు వున్నాయి. ఆ అంచనాలను ఈ సినిమా అందుకుంటుందేమో చూడాలి.