డియర్ కామ్రేడ్ అంటున్న విజయ్ దేవరకొండ

Posted: 12/01/2018 07:42 PM IST

నోటా మిగిల్చిన గాయం నుంచి తేరుకున్న 'టాక్సీవాలా' విజయ్ దేవరకొండ.. తన తదుపరి చిత్రంతో బిజీగా మారాడు. టాలీవుడ్ బాక్సాఫీసు వద్ద అనూహ్యమైన విజయం సాధించడంతో యువతలో తన క్రేజ్ ను తిరిగి సంపాదించుకున్న ఈ అర్జున్ రెడ్డి.. తన అభిమానులంతా ఫుల్ ఖుషీ గా వుండటంతో సంతోషంగా వున్నారు. ఈ సక్సెస్ తెచ్చిన ఆనందంతో ఆయన తన తదుపరి చిత్రమైన 'డియర్ కామ్రేడ్' షూటింగులో పాల్గొంటున్నాడు. ప్రస్తుతం ఈ సినిమా షూటింగు కాకినాడలోని మెడికల్ కాలేజ్ లో జరుగుతోంది.

ఈ సినిమాలో విజయ్ దేవరకొండ మెడికల్ కాలేజ్ స్టూడెంట్ గా కనిపించనున్నాడు. అందువలన కాలేజ్ నేపథ్యంలో సన్నివేశాలను అక్కడ చిత్రీకరిస్తున్నారు. మరికొన్ని రోజులపాటు అక్కడే షూటింగు జరపనున్నారని తెలుస్తోంది. ఈ సినిమాలోను విజయ్ దేవరకొండ సరసన రష్మిక మందన కథానాయికగా నటిస్తోంది. భరత్ కమ్మ ఈ సినిమాకి దర్శకుడిగా వ్యవహరిస్తున్నాడు. తన కెరియర్లో ఇదొక ప్రత్యేకమైన చిత్రంగా నిలిచిపోతుందనే నమ్మకంతో విజయ్ దేవరకొండ వున్నాడు.