అప్పుడు నేనే ఇండస్ట్రీ నుంచి వెళ్లిపోతా: రకుల్

Posted: 09/04/2018 07:49 PM IST

దక్షిణాది యువనటిమణుల్లో అనతికాలంలోనే స్టార్ హీరోయిన్ గా ఎదిగినవారిలో రకుల్ ప్రీత్ సింగ్ ఒకరు. దాదాపు అగ్ర నటులందరి సరసన రకుల్ నటించి, అలరించింది. తెలుగులోనే కాకుండా తమిళంలో కూడా పలు సినిమాలు చేసింది. అయితే, గత కొంత కాలంగా ఈ పంజాబీ భామకు అవకాశాలు తగ్గాయి. అమె నటిస్తున్న చిత్రాలు బాక్సాఫీసు వద్ద బొల్తా పడుతున్నాయన్న గుసగుసలు వినిపిస్తున్నాయి. ఎగిసి పడిన అలలా అమె సినీ ప్రయాణం సాగిందని చిత్రపురిలో చెవులు కొరుక్కునే వారూ లేకపోలేరు.

దీనిపై ఓ ఇంటర్వ్యూలో రకుల్ మాట్లాడుతూ, తన చేతిలో ప్రస్తుతం చిత్రాలు తక్కువగా వున్న విషయం నిజమనే అంగీకరించారు. జీవితం ఎప్పుడూ ఒకేలా ఉండదని చెప్పిన అమ్మడు.. ఈ రోజు ఉన్న ఫేమ్, రేపు ఉండకపోవచ్చనని కూడా తెలిపింది. వాస్తవాలను ఒప్పుకుంటే ఎలాంటి భయాలు ఉండవని చెప్పింది. తనకు పరుగు ఎప్పుడు ఆపాలో తెలుసని... ప్రేక్షకులకు తాను బోర్ కొడుతున్నానని అనిపించినప్పుడు తనంతట తానే ఇండస్ట్రీకి దూరమవుతానని తెలిపింది.