ఆటా నాదే.. వేటా నాదే... మొదలవుతోంది

Posted: 02/15/2018 03:11 PM IST

టాలీవుడ్ సీనియర్ హీరోల్లో ఒకరైన విక్టరీ వెంకటేష్ తన అప్ కమింగ్ ప్రాజెక్టు విషయంలో ఎటూ తేల్చకుండా నాన్చుతున్న విషయం తెలిసిందే. దర్శకుడు తేజతో మొదలుపెట్టిన ఆటా నాదే.. వేటా నాదే... రెగ్యులర్ షూటింగ్ కు వెళ్లకముందే అటకెక్కిందని పుకార్లు చెలరేగాయి. అయితే ఈ వార్తలకు ఎట్టకేలకు పుల్ స్టాప్ పడింది.

వచ్చే నెల 12 నుంచి ఈ చిత్ర రెగ్యులర్ షూటింగ్ ప్రారంభం కాబోతుంది. తొలి షెడ్యూల్ ను పాత బస్తీలో మొదటి షెడ్యూల్ ను ఫ్లాన్ చేశారు. ఈ చిత్రంలో నారా రోహిత్ ఓ కీలక పాత్ర పోషిస్తుండగా.. వెంకీ సరసన శ్రీయాను హీరోయిన్ గా ఎంపిక చేశారు.

నేనే రాజు నేనే మంత్రి తరహాలోనే ఈ చిత్రం పవర్ ఫుల్ పొలిటికల్ డ్రామాగా తెరకెక్కించేందుకు తేజ సన్నాహాలు పూర్తి చేశాడు. సురేష్ ప్రొడక్షన్స్-ఏకే ఎంటర్ టైన్ మెంట్స్ బ్యానర్లు సంయుక్తంగా నిర్మిస్తున్న ఈ చిత్రానికి అనూప్ రూబెన్స్ మ్యూజిక్ అందించబోతున్నాడు. ఈ చిత్రం ఈ ఏడాది చివర్లోగానీ.. వచ్చే ఏడాది మొదట్లో విడుదలయ్యే ఛాన్స్ ఉంది.