నిఖిల్ కిర్రాక్ పార్టీ రిలీజ్ డేట్ ఫిక్స్

Posted: 12/09/2017 06:13 PM IST

నిఖిల్ హీరోగా నూతన దర్శకుడు శరణ్ కొప్పిశెట్టి ఒక సినిమా చేస్తున్నాడు. సుంకర రామబ్రహ్మం నిర్మిస్తోన్న ఈ సినిమా, కన్నడలో సూపర్ హిట్ అయిన 'కిరిక్ పార్టీ'కి రీమేక్. ఇప్పటికే చాలావరకూ చిత్రీకరణను పూర్తిచేసుకున్న ఈ సినిమాకి తెలుగులో 'కిరాక్ పార్టీ' అనే టైటిల్ ను ఖరారు చేశారు.

కాలేజ్ క్యాంపస్ లో జరిగే రాజకీయాలు .. వాటి పరిణామాలకి సంబంధించిన కథాంశంతో ఈ సినిమా తెరకెక్కుతోంది. ఈ సినిమాను ఫిబ్రవరి 9వ తేదీన విడుదల చేయనున్నట్టు ప్రకటించారు. డిఫరెంట్ లుక్ తో నిఖిల్ కనిపించే ఈ సినిమాలో ఆయన సరసన, సంయుక్త హెగ్డే .. సిమ్రాన్ పరీన్జా కథానాయికలుగా కనిపించనున్నారు. ఈ సినిమా తనకి తప్పకుండా హిట్ ఇస్తుందనే నమ్మకంతో నిఖిల్ వున్నాడు.

వరుణ్ తేజ్ ఫిబ్రవరి 9నే ప్రకటించిన విషయం తెలిసిందే. ఇంకోవైపు మంజుల డైరెక్షన్ డెబ్యూ మూవీ మనసుకు నచ్చింది కూడా దాదాపు అదే తేదీని ఫిక్స్ చేసుకోబోతుంది. ఈ నేపథ్యంలో పోటీ ఎలా ఉండబోతుందోనన్న చర్చ ఇప్పటి నుంచే మొదలైపోయింది.