బాలకృష్ణుడు రిలీజ్ డేట్ ఫిక్స్

Posted: 11/02/2017 03:36 PM IST

వైవిధ్యభరితమైన కథలు, వరుస సినిమాలు ప్రస్తుతం నారా రోహిత్ చేస్తున్న పని ఇదే. అయితే గత కొంత కాలంగా సక్సెస్ రేటు మాత్రం ఈ నారా హీరోకి తక్కువగానే ఉందని చెప్పుకోవాలి. అప్పట్లో ఒకడుండేవాడు తర్వాత వచ్చిన 'శమంతకమణి' ఫరవాలేదనిపించుకున్నా.. హిట్ మాత్రం కాలేకపోయింది.

దీంతో తన తర్వాతి చిత్రం 'బాలకృష్ణుడు'తో ఎలాగైనా హిట్ అందుకోవాలని అతను ఊవ్విళ్లూరుతున్నాడు. పవన్ మల్లెల దర్శకత్వం వహించిన ఈ సినిమాలో కథానాయికగా రెజీనా నటించింది. రమ్యకృష్ణ ఓ కీలక పాత్రలో నటించింది. హైదరాబాద్ - కర్నూల్ చుట్టూ తిరిగే ఫ్యాక్షన్ ప్రేమకథగా ఈ సినిమా కొనసాగుతుంది. ఈ నెల 10న ఆడియో విడుదల చేసి.. ఈ నెల 24వ తేదీన విడుదల చేయడానికి సన్నాహాలు చేస్తున్నారు.

ఇక ఇంత కాలం బొద్దుగా ఉన్న నారా రోహిత్.. ఈ చిత్రంలో సిక్స్ ప్యాక్ లో కనిపించబోతుండటం విశేషం. కెరీర్ పరంగా రోహిత్ కు, రెజీనాకు ఈ చిత్రం హిట్ కావటం చాలా అవసరం. మరి అన్ సీజన్ లో వచ్చి సక్సెస్ చవిచూస్తారా? చూడాలి.