డ్రగ్స్ కేసులో పవన్ రియాక్షన్.. మిగతా వాళ్లకు ఏమైంది?

Posted: 08/03/2017 03:29 PM IST

తెలుగు చలన చిత్ర పరిశ్రమను కుదేలు చేసిన డ్రగ్స్ వ్యవహారంపై టాప్ హీరోలు నోరు మెదిపేందుకు ఆసక్తి చూపటం లేదు. ఏ మాట్లాడితే ఏం మెడకు చుట్టుకుంటుందో, అనవసరమైన గంపను తగిలించుకోవటం ఎందుకనో గప్ చుప్ గా ఉంటున్నారు. ఈ క్రమంలో పవర్ స్టార్ పవన్ కళ్యాణ్ తొలిసారి ఈ టాపిక్ పై స్పందించాడు. తన ట్విట్టర్ పేజీలో ట్వీట్లు చేశాడు.

కేసులో సిట్ విచారణ జరిగిన 12 రోజులు ఇండస్ట్రీకి చీకటి రోజులుగా వర్ణించాడు పవన్. తెలుగు సినిమా ఇండస్ట్రీ తెలంగాణ ముఖ్యమంత్రి కేసీఆర్‌కు రాసిన లేఖలని తన ట్విట్టర్ లో షేర్ చేశాడు. చలన చిత్ర కూటమి తరపున మీకు అప్పీల్ చేసుకుంటున్నామని ట్వీట్ చేశాడు పవన్. తెలుగు సినిమా 2000 కోట్ల రూపాయలు దాటిన సంతోషంలో(బాహుబలి 2 రికార్డు), ఒక తెలుగు దర్శకుడికి దాదాసాహెబ్ ఫాల్కే అవార్డు(కళాతపస్వి విశ్వనాథ్) వచ్చిన ఆనందంలో ఉన్న తెలుగు పరిశ్రమ ఓ వెలిగిపోతున్న సమయంలో కమ్మిన గ్రహణం మాద‌క ద్రవ్యాల కేసు అంటూ కేసీఆర్ కు తెలుగు సినిమా ఇండస్ట్రీ తమ లేఖలో పేర్కొంది.

pic.twitter.com/2Hn24MnR7C

— Pawan Kalyan (@PawanKalyan) August 2, 2017

 

An appeal to our Hon.Chief Minister of Telengana Sri.KCR Garu from Film Fraternity .. pic.twitter.com/o95gxzrVeu

— Pawan Kalyan (@PawanKalyan) August 2, 2017

ఈ మాదక ద్రవ్యాల కేసుని వెలుగులోకి తెచ్చినందుకు కృతజ్ఞతలు తెలియజేస్తూ.. ఈ సమస్యను సున్నితంగా పరిష్కరించాలని తెలుగు మూవీ ఇండస్ట్రీ లేఖలో పేర్కొంది. మే 7 తర్వాత ట్విట్టర్ అనివార్య కారణాలతో హ్యాక్ కాగా(బల్బ్ కామెంట్స్ సైడ్ చేసేందుకే డ్రామా ఆడుతున్నారనే టాక్ కూడా వినిపించింది), ఇప్పుడు తిరిగి ఓపెన్ కావటంతో పవన్ తిరిగి తన గళాన్ని వినిపించేందుకు సిద్ధం కాగా, యాంటీ ఫ్యాన్స్ ఆ పాత విషయాన్ని కెలుకుతున్నారు. అయితే చివరకు సోషల్ మీడియాలో కూడా యాక్టివ్ గా ఉండే పలువురు కూడా డ్రగ్స్ పై స్పందించేందుకు ముందుకు రాని టైంలో పవన్ ఈ మాత్రమైనా స్పందించటం గొప్పే కాదంటారా?!