కాంట్రవర్సీ మూవీ మెట్రోకు రిలీజ్ డేట్ ఫిక్స్

Posted: 02/20/2017 05:51 PM IST

Kollywood controversy movie got telugu release date

సాధారణంగా వివాదాస్పద చిత్రాలు ఆపై విపరీతమైన హైప్ సంపాదించేయటం తరచూ మనం చూస్తున్నాం. కానీ, కోలీవుడ్ లో మాత్రం ఓ సినిమా తీవ్ర వివాదం రాజేసింది. ఆనంద్ కృష్ణ అనే దర్శకుడు గతేడాది మెట్రో అనే ఓ సినిమా తీశాడు. సీరియల్ మర్డర్లు నేపథ్యంగా తెరకెక్కిన ఈ సినిమాలో జాతీయ అవార్డు విన్నర్ బాబీ సింహా ఓ కీల్ రోల్ పోషించగా, శిరీష్, శేంద్రన్, నిషాంత్ తదితరులు నటించారు.

హింస ఎక్కువగా ఉండటంతో ఈ సినిమాను రిలీజ్ కాకుండా బ్యాన్ చేశారు. అయితే కంటెంట్ మీద నమ్మకంతో దర్శకుడు సెన్సార్ బోర్డును రివ్యూ కోరగా, పలు మీటింగ్ ల తర్వాత ఎట్టకేలకు ఆ సినిమా రిలీజ్ అయ్యింది. విమర్శకుల ప్రశంసలు అందుకున్నప్పటికీ కమర్షియల్ గా మాత్రం అది అంత సక్సెస్ కాలేకపోయింది.

ఇక ఇప్పుడు ఆ సినిమాను తెలుగులోకి దించేందుకు యత్నిస్తున్నారు మేకర్లు. మెట్రో పేరుతోనే తెలుగులో ఈ సినిమా మార్చి 3న రిలీజ్ కాబోతుంది. ప్రముఖ తెలుగు డిస్ట్రిబ్యూటర్ సురేష్ కొండేటి దీనిని తెలుగులో రిలీజ్ చేస్తుండగా, సింగర్ గీతా మాధురి ఓ స్పెషల్ సాంగ్ లో కనిపించబోతుంది. ఓ కాంట్రవర్సరీ సినిమా గా హైప్ క్రియేట్ చేసిన మెట్రో తెలుగు లో ఏ మేర ఆశిస్తుందో చూడాలి మరి.