సిద్దూ ట్వీట్ చేశాడు.. సెక్సీ యాడ్ తీసేశారు

Posted: 11/24/2016 08:48 AM IST

సౌత్ లోనే కాదు.. బాలీవుడ్ లో కూడా పలు చిత్రాల్లో నటించి మెప్పించిన సిద్ధార్థ చేసిన ఓ పనికి సోషల్ మీడియాలో అభినందనలు కురుస్తున్నాయి. సిద్ధూకి సోషల్ రెస్పాన్సిబిలిటీ కాస్త ఎక్కువే. మరి మహిళలను అగౌరవపరిస్తే ఊరుకుంటాడా చెప్పండి? ఓ ప్రముఖ దుస్తుల కంపెనీ రూపొందించిన యాడ్ పై ఓ రేంజ్ లో ఫైరయ్యాడు. దీంతో ఆ సెక్సీ యాడ్ ను ఆ ప్రకటనను సదరు సంస్థ వెనక్కి తీసుకుంది.

చెన్నై నగరంలో జాక్ అండ్ జోన్స్ సంస్థ ఓ భారీ హోర్డింగ్ ను ఏర్పాటు చేసింది. అందులో బ్రాండ్ అంబాసిడర్ గా ఉన్న రణ్ వీర్ సింగ్ ఓ మోడల్ ను తన భుజాలపైకి ఎత్తుకుని వెళ్తూ ఉండగా, పక్కన DON'T HOLD BACK. TAKE YOUR WORK HOME అనే కాప్షన్ రాసి ఉంది.

అంతే మహిళలను కించపర్చే విధంగా ఉన్న ఆ క్యాప్షన్ పై హీరో సిద్ధార్థ తన ట్విట్టర్ ఖాతా ద్వారా వ్యాఖ్యలు చేశాడు. కాగా, సిద్ధార్థ వ్యాఖ్యలకు నెటిజన్ల మద్దతు కూడా లభించింది. దీంతో రంగంలోకి దిగిన సదరు సంస్థ క్షమాపణ చెప్పింది. ఎవరినీ కించపరచడం తమ ఉద్దేశం కాదని, వెంటనే ఆ ప్రకటనను వెనక్కి తీసుకుంటున్నామని చెప్పింది. యాడ్ ను వెనక్కి తీసుకుంటున్నామని ప్రకటించడంపై నెటిజన్ల నుంచి ప్రశంసల వర్షం కురుస్తోంది.

 

 

A new low for women's rights in the workplace in India. What were they thinking? #Fail pic.twitter.com/3PW5mMaKOt

— Siddharth (@Actor_Siddharth) November 20, 2016