యాక్షన్ దమ్ము ఏ మాత్రం తగ్గలేదా?

Posted: 08/20/2016 10:04 AM IST

రీఎంట్రీ కి ఏడాది ముందు నుంచే ఫిట్ నెట్ పై ప్రత్యేక దృష్టిసారించిన చిరు, డాన్సులు, ఫైట్లలో మునుపటి గ్లో కనబడేలా చాలా కష్టపడ్డాడు. లుక్ పరంగా పాత సినిమాల్లో మెగాస్టార్ గుర్తుకు వచ్చేలా మారిపోయాడు. ఇక షూటింగ్ మొదలయ్యాక ఏ మాత్రం రెస్ట్ ఇవ్వకుండా పాల్గొంటూనే ఉన్నాడు. యాక్షన్ సీన్లలో చిరులో ఏ మాత్రం పసతగ్గలేదంటున్నారు స్టంట్ మాస్టర్లు రామ్-లక్ష్మణ్ లు.
 
ప్రస్తుతం చిరంజీవి 150వ సినిమా షూటింగ్ ప్రస్తుతం హైదరాబాద్ లో జరుగుతోంది. కొంతమంది రౌడీలతో చిరు తలపడే సన్నివేశాలను దర్శకుడు వినాయక్ తనదైన స్టైల్లో తెరకెక్కిస్తున్నాడు. మాతృక లో ఇంటర్వెల్ ముందు వచ్చే ఈ ఫైట్ అక్కడ సినిమాకే హైలెట్ గా నిలిచింది. ఇక తెలుగులోనూ అదే ఊపును వినాయక్ కొనసాగిస్తున్నాడంట. పైగా డూప్ లు అక్కర్లేదంటూ చిరు ఉత్సాహంగా అందులో పాల్గొంటున్నాడని స్టంట్ ద్వయం చెబుతున్నారు.

ఈ ఫైట్ తెలుగులోనూ హైలెట్ కానున్న నేపథ్యంలో ఒక రేంజ్ లో ఉండేలా రామ్ - లక్ష్మణ్ కంపోజ్ చేశారంట. ఈ నెల 22వ తేదీన చిరంజీవి పుట్టినరోజు సందర్భాన్ని పురస్కరించుకుని, ఫస్టులుక్ ను విడుదల చేయనున్నట్లు , చిరు తనయుడు, నిర్మాత రాంచరణ్ ప్రకటించాడు. ఏ మాత్రం గ్యాప్ లేకుండా షెడ్యూల్స్ వరుసగా ఉండటంతో సంక్రాంతికే సినిమాను రిలీజ్ చేసే ఆలోచనలో ఉన్నాడు కొణిదెల వారబ్బాయి.