షో లో చిందేసిన జయప్రద..!

Posted: 07/08/2016 12:33 PM IST

మంచు లక్ష్మీ ఏది చేసినా అది సెన్సేషనే. ఇటీవలే ఒక ఛారిటీ షోగా రూపొందించిన మేము సైతం అనే ప్రోగ్రాంని నిర్వహిస్తున్న సంగతి అందరికీ తెలిసిందే. ఈ షోలో అనేకమంది తారలు వచ్చి వారు ఏదో ఒక పని చేసి ఆ వచ్చిన మొత్తాన్ని అభాగ్యులైనవారి కన్నీళ్లు తుడిచేందుకు ఉపయోగిస్తున్నారు. ఈ నేపథ్యంలో అలనాటి సిల్వర్ స్క్రీన్ హీరోయిన్ జయప్రద ఈ షోలో హాజరై లక్ష్మీమంచుతో సందడి చేసింది.

ఈ షో వచ్చేవారం టెలికాస్ట్ అవుతుండగా ముందుగానే ట్విట్టర్లో జయప్రద డ్యాన్స్ చేసిన ఫోటోని పెట్టారు. దీంతో జయప్రద లక్ష్మీతో కలిసి చేసిన స్టెప్పులు ఇప్పుడు అందర్ని ఆకట్టుకుంటున్నాయి. ఈ ఫోటోగ్రాఫ్ సోషల్ సైట్ లో హల్ చల్ చేస్తోంది. ఇప్పటికే ఈ షోలో అనేక మంది హీరోలు, హీరోయిన్స్ పాల్గొన్న సంగతి తెలిసిందే. ఇటీవలే జయప్రద కూడ ఈ షోలో పార్టిసిపేట్ చేసిందని, ఈ ఎపిసోడ్ వచ్చేవారం టెలికాస్ట్ కాబోతోందని చెప్తున్నారు ప్రోగ్రాం మేకర్స్. మరి ఇంకెందుకు మీరు కూడ ఒక లుక్కేయండి...!

- మూర్తి